05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
ԲԴԽ-ն հեռացավ Արտուշ Գաբրիելյանի նկատմամբ քրեական հետապնդում հարուցելու հարցով որոշում կայացնելու․ ՏԵՍԱՆՅՈՒԹ
Հասարակություն
30.04.2025 | 14:33
Բարձրագույն դատական խորհուրդը հեռացել է խորհրդակցական սենյակ՝ դատավոր Արտուշ Գաբրիելյանի նկատմամբ քրեական հետապնդում հարուցելու միջնորդության վերաբերյալ որոշում կայացնելու։ Այս մասին լրագրողների հետ զրույցում ասաց Գաբրիելյանի պաշտպաններից Ալեքսանդր Կոչուբաևը։
Եթե ԲԴԽ-ն համաձայնություն տա դատավորի նկատմամբ քրեական հետապնդում հարուցելուն, դրան կհաջորդի դատավորին ազատությունից զրկելու թույլտվության հարցի քննությունը։
ԲԴԽ-ի կողմից այս միջնորդությունը բավարարվելու դեպքում, դատավորին մեղադրանք ներկայացնելուց հետո պետք է միջնորդություն ներկայացվի դատարան՝ Գաբրիելյանին կալանավորելու վերաբերյալ։
Հիշեցնենք, որ դատավոր Արտուշ Գաբրիելյանի գործը վերաբերում է կաշառք ստանալուն։
Պաշտպան Ալեքսանդր Կոչուբաևը լրագրողների հետ զրույցում որոշ մանրամասներ ներկայացրեց գործի վերաբերյալ իրենց հայտնի հանգամանքների մասին։
Մանրամասները՝ տեսանյութում
Արաքս Մամուլյան
