13.01.2026 | 12:12
Միրզոյան-Ռուբիո հանդիպում կլինի // Կրասնոդար-Երևան չվերթը կրկին չեղարկվել է․ ԼՈՒՐԵՐ
Թրամփը դեռ հավատում է, որ Պուտինը ցանկանում է դադարեցնել պատերազմն Ուկրաինայում
Քաղաքականություն
30.04.2025 | 15:14
ԱՄՆ նախագահ Դոնալդ Թրամփը կարծիք է հայտնել, որ Ռուսաստանի առաջնորդ Վլադիմիր Պուտինը ցանկանում է դադարեցնել պատերազմը Ուկրաինայում՝ չնայած ռուսական զորքերի կողմից շարունակվող հարձակումներին, գրում է DW-ի ռուսական ծառայությունը։
ABC News-ի հարցին՝ արդյո՞ք Պուտինը խաղաղություն է ցանկանում, Թրամփը պատասխանել է․ «Կարծում եմ՝ այո։ Նրա երազանքն էր գրավել ամբողջ երկիրը։ Կարծում եմ՝ իմ շնորհիվ դա չի անի»։
Թրամփը խուսափել է պատասխանել ուղիղ հարցին՝ վստահո՞ւմ է, արդյոք, Ռուսաստանի նախագահին։
«Ես ձեզ չեմ վստահում։ Ես շատերին չեմ վստահում։ Բայց կարծում եմ, որ նա, այսպես ասենք, հարգում է ինձ։ Եվ ես հավատում եմ, որ իմ պատճառով նա չի գրավի ամբողջ Ուկրաինան, սակայն իր որոշումը, իր ընտրությունը կլիներ՝ գրավել ամբողջ Ուկրաինան»,- ասել է Թրամփը։
Հիշեցնենք, որ ավելի վաղ ԱՄՆ պետքարտուղար Մարկո Ռուբիոն կրկին հայտարարել էր, որ Վաշինգտոնը կարող է դուրս գալ Ուկրաինայի հարցով բանակցություներից, եթե Մոսկվան և Կիևը չներկայացնեն «կոնկրետ առաջարկներ»։
Թարգմանությունը՝ Էմմա Չոբանյանի
