13.01.2026 | 12:34
Ադրբեջանի և Հայաստանի միջև խաղաղության համաձայնագրի նախաստորագրումը պատմական իրադարձություն է. Իտալիայի ԱԳՆ
ՌԴ-ն ԱԹՍ-ներով գրոհել է Ուկրաինայի տարածքը․ Խարկովում 45 մարդ է վիրավորվել, Դնեպրում մեկ զոհ կա
Քաղաքականություն
30.04.2025 | 11:37
Ռուսական զորքերը ապրիլի լույս 30-ի գիշերը անօդաչու թռչող սարքերով հարվածներ են հասցրել Ուկրաինայի Խարկովի և Դնեպրի շրջաններին։ Խարկովում վիրավորվել է 45 մարդ, Դնեպրում 1 զոհ կա, հայտնում են տեղական իշխանությունները, գրում է Current time-ը։
Խարկովի քաղաքապետ Իգոր Տերեխովի տվյալներով՝ ռուսական բանակը քաղաքի վրա 16 անօդաչու թռչող սարքերով հարված է հասցրել։
«Վնասվել են բազմահարկ շենքեր և մասնավոր տներ, բժշկական հաստատություն և քաղաքացիական ենթակառուցվածքներ»,- գրել է Տերեխովը։
Փրկարարները հայտնում են, որ անօդաչու թռչող սարքերի հարվածները քաղաքի տարբեր մասերում տասը հրդեհ են առաջացրել։ Շրջանային ռազմական վարչակազմի ղեկավար Օլեգ Սինեգուբովի հաղորդմամբ էլ՝ հարվածի հետևանքով վիրավորվել է 45 մարդ։
«14 մարդ տարբեր աստիճանի վնասվածքներ է ստացել, 5-ը հոսպիտալացվել է։ Տուժածների թվում են երկու երեխա և մեկ հղի կին։ Խարկովում տուժածներին օգնելու համար ուղարկվել է շտապօգնության 13 բրիգադ»,- նշել է Սինեգուբովը՝ հավելելով, որ վնասվել են բազմահարկ շենքեր և մասնավոր տներ, բժշկական հաստատություն և քաղաքացիական ենթակառուցվածքներ։
Դնեպրոպետրովսկի մարզային իշխանությունները նույնպես հայտնել են անօդաչու թռչող սարքերի հարվածների մասին։ Մարզային վարչակազմի ղեկավար Սերգեյ Լիսակի փոխանցմամբ՝ 53-ամյա տղամարդ է զոհվել։ Նա հայտնել է, որ ամենամեծ ավերածությունները տեղի են ունեցել մասնավոր հատվածում։
Թարգմանությունը՝ Էմմա Չոբանյանի
