22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
Նախիջևանում պահեստազորի զինծառայողների ուսումնական հավաքներ են անցկացվել
Քաղաքականություն
29.04.2025 | 20:35
Նախիջևանի առանձին համազորային գումարտակում, 2025 թվականի ուսումնական պլանի համաձայն, Ադրբեջանի Պետական մոբիլիզացիայի և զինվորական ծառայության զորակոչի հետ համատեղ գործունեության շրջանակում ուսումնական պարապմունքներ են անցկացվել՝ պահեստազորի զինծառայողների խմբի ներգրավմամբ։
Ադրբեջանի ՊՆ-ի հաղորդմամբ՝ անցկացվել են ուսումնական զրույցներ, տեղեկացվել է զինվորական կանոնադրության և համապատասխան օրենսդրության պահանջների մասին, բացատրվել են անվտանգության կանոնները, անցկացվել են զորավարժությունների նախապատրաստման դասընթացներ։
Հավաքների ընթացքում զինծառայողների մարտական և կրակային պատրաստության մակարդակը բարձրացնելու նպատակով իրականացվել են կրակոցներ փոքր տրամաչափի զենքերից և նռնականետերից։
Միաժամանակ, 2025 թվականի ուսումնական պլանի համաձայն՝ Ադրբեջանի ցամաքային զորքերի հրետանային ստորաբաժանումները գործնական մարտական կրակոցներ են իրականացրել։ Իրական մարտի պայմաններին համապատասխան իրականացված մարտական կրակոցների ընթացքում ճշգրիտ կրակով հայտնաբերվել և ոչնչացվել են պայմանական հակառակորդի պլանավորված և չպլանավորված թիրախները։ Գործնական պարապմունքներին հիմնական ուշադրությունը դարձվել է զինծառայողների գործնական հմտությունների կատարելագործման, հրամանատարների փոխգործակցության և կառավարման կարողությունների կատարելագործման վրա։
Հավելենք, որ նախօրեին էլ Ադրբեջանի ռազմաօդային ուժերի ավիացիոն ստորաբաժանումներն ուսումնական թռիչքներ էին իրականացրել Super Mushshak ուսումնական ինքնաթիռներով:
Թարգմանությունը՝ Էմմա Չոբանյանի
