29.04.2026 | 21:52
Թրամփը Սպիտակ տանը հանդիպել է էներգետիկ ընկերությունների ղեկավարների հետ
Կրեմլն արձագանքել է Վլադիմիր Զելենսկիի՝ 30-օրյա հրադադար հաստատելու առաջարկին
Քաղաքականություն
29.04.2025 | 14:23
Արձագանքելով Ուկրաինայի նախագահ Վլադիմիր Զելենսկիի 30-օրյա հրադադարի առաջարկին՝ Կրեմլի խոսնակ Դմիտրի Պեսկովն ասել է, որ դա հնարավոր է միայն այն դեպքում, եթե հաշվի առնվեն այն «նրբությունները», որոնց մասին ավելի վաղ խոսել էր ՌԴ նախագահ Վլադիմիր Պուտինը, հաղորդում է Ինտերֆաքսը։
«Եթե խոսենք երկարաժամկետ դադարեցման մասին, ապա այստեղ կարևոր են հենց այն նրբերանգները, որոնց մասին նախագահ Պուտինը խոսել է Կրեմլում։ Առանց այս հարցերի պատասխանների դժվար է համաձայնվել նման երկարաժամկետ հրադադարի»,- ասել է Կրեմլի խոսնակը։
Ավելի վաղ Կրեմլը հայտնել էր, որ ՌԴ նախագահ Վլադիմիր Պուտինի որոշմամբ, մարդասիրական նկատառումներից ելնելով, Հաղթանակի 80-ամյակի օրերին՝ մայիսի 7-8-ի կեսգիշերից մինչև մայիսի 10-11-ի կեսգիշերը, ռուսական կողմը հրադադար է հայտարարում։
Ի պատասխան՝ Ուկրաինայի նախագահ Վլադիմիր Զելենսկին հայտարարել էր, որ դա մանիպուլյացիայի հերթական փորձն է։ Ըստ նրա՝ միայն առնվազն 30-օրյա լիակատար և անվերապահ հրադադարը կարող է հիմք հանդիսանալ իրական դիվանագիտության համար։
«Ռուսաստանը գիտի, թե ինչ անել և ինչպես արձագանքել. կրակն իրականում դադարեցնել։ Եվ մենք կարծում ենք, որ աշխարհի ճնշումը, ԱՄՆ-ի ճնշումը կարող են Ռուսաստանին մղել անհրաժեշտ արձագանքի»,- հայտարարել էր Ուկրանիայի նախագահը։
Հիշեցնենք՝ Սպիտան տունը հայտարարել էր, որ ԱՄՆ նախագահ Դոնալդ Թրամփը պահանջում է մշտական, այլ ոչ թե ժամանակավոր հրադադար Ուկրաինայում։
Թարգմանությունը՝ Էմմա Չոբանյանի
