13.01.2026 | 10:43
Ֆեյսբուքյան կեղծ էջերով ԱՄՆ-ում բնակվող հայերի անունից հափշտակել են մոտ 11 մլն ՀՀ դրամ․ ՔԿ
Որ պետությունների առաջնորդներն են նախատեսում մասնակցել Մոսկվայում Հաղթանակի շքերթին
Քաղաքականություն
28.04.2025 | 22:13
Ինչպես տեղեկացրել էինք՝ մայիսի 9-ին ԱՊՀ անդամ պետությունների ղեկավարները Մոսկվայում կմասնակցեն Երկրորդ համաշխարհային պատերազմում տարած հաղթանակի 80-ամյակին նվիրված տոնակատարություններին։ РБК-ի փոխանցմամբ՝ նախատեսված է Բրազիլիայի և Բուրկինա Ֆասոյի նախագահներ Լուլա դա Սիլվայի և Իբրահիմ Տրաորեի, Վենեսուելայի և Վիետնամի նախագահներ Նիկոլաս Մադուրոյի և Տո Լամի, Կուբայի և Սերբիայի նախագահներ Միգել Դիաս Կանելի և Ալեքսանդր Վուչիչի, Չինաստանի նախագահ Սի Ցզինպինի և Սլովակիայի վարչապետ Ռոբերտ Ֆիցոյի ներկայությունը: ՄԱԿ-ի գլխավոր քարտուղար Անտոնիո Գուտերեշը Հաղթանակի 80-ամյակին ներկա չի լինի։
Հիշեցնենք, որ դեռևս մարտի 14-ին ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի միջև կայացած հեռախոսազրույցից հետո Կրեմլը հայտնել էր, որ Հայաստանի վարչապետը հաստատել է, որ ընդունում է Ռուսաստանի նախագահի հրավերն ու մասնակցելու է մայիսի 9-ին Մոսկվայում նախանշված Հայրենական մեծ պատերազմում տարած հաղթանակի 80-ամյակի հոբելյանական տոնակատարություններին։ Սակայն հայկական կողմը մինչ օր պաշտոնապես չի հաստատել Փաշինյանի մասնակցությունը Մոսկվայում կայանալիք միջոցառումներին։
ՀՀ վարչապետի մամուլի խոսնակ Նազելի Բաղդասարյանը հայտարարել էր, որ մայիսի 9-ին ՌԴ-ում Փաշինյան-Պուտին-Ալիև եռակողմ ձևաչափով հանդիպում նախատեսված չէ, առանց հստակեցնելու՝ արդյո՞ք Փաշինյանի այց Մոսկվա նախատեսված է։ Factor TV-ն բազմիցս փորձել է պարզել՝ արդյո՞ք ՀՀ վարչապետն այցելելու է Մոսկվա՝ մայիսի 9-ի տոնակատարություններին մասնակցելու, սակայն գրավոր ու բանավոր հարցումներն այդպես էլ մնացել են անպատասխան։
