24.05.2026 | 21:12
ՃՏՊ Հացիկ-Գյումրի ավտոճանապարհին. փրկարարները մեքենայից դուրս են բերել արգելափակված վարորդին
Թրամփը չի բացառել Զելենսկու հետ հանդիպումը Հռոմում
26.04.2025 | 12:17
Այսօր Վատիկանում տեղի կունենա Հռոմի Ֆրանցիսկոս պապի հուղարկավորության արարողությունը: Արարողությանը մասնակցելու համար, ի թիվս այլ երկրների բարձրաստիճան պաշտոնյաների, Հռոմ է ժամանել նաև ԱՄՆ նախագահ Դոնալդ Թրամփը։
ԱՄՆ առաջնորդը չի բացառել Հռոմում Ուկրաինայի նախագահ Վլադիմիր Զելենսկու հետ հանդիպումը․ գրում է unian.net-ը։
«Ես կհանդիպեմ իտալացիների և նրանց վարչապետի հետ», – ասել է Թրամփը՝ պատասխանելով լրագրողների հարցին Հռոմ այցի նախօրեին։
Հարցին, թե արդյոք Թրամփը կհանդիպի Զելենսկու հետ Հռոմում, ամերիկացի նախագահը պատասխանել է. «Հնարավոր է»։
Թեև DW-ին նախապես հաղորդել էր, որ Զելենսկին, հնարավոր է, չհասցնի մասնակցել Հռոմի պապի հուղարկավորությանը, քանի որ մի քանի կարևոր ռազմական հանդիպումներ ունի նախատեսված, սակայն միջազգային ԶԼՄ-ների հաղորդմամբ՝ թե ԱՄՆ-ի, թե Ուկրաինայի առաջնորդները ժամանել են Իտալիայի մայրաքաղաք՝ Հռոմի պապ Ֆրանցիսկոսին վերջին հրաժեշտը տալու համար։
Հիշեցնենք, որ Հայաստանի Հանրապետությունից Պապի հուղարկավորությանը մասնակցելու համար Հռոմ են մեկնել ՀՀ նախագահ Վահագն Խաչատուրյանն ու Ամենայն հայոց կաթողիկոս Գարեգին Բ-ն։
