07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Մոսկվան մտահոգված է Հայաստանի՝ ԵՄ անդամակցության ձգտումներով. ՌԴ ԱԳ փոխնախարար
Քաղաքականություն
22.04.2025 | 15:27
ՌԴ արտաքին գործերի փոխնախարար Ալեքսանդր Գրուշկոն հայտարարել է, որ Մոսկվան մտահոգված է Եվրամիությանն անդամակցության Հայաստանի ձգտումներով, քանի որ դա անհամատեղելի է Եվրասիական տնտեսական միությանը (ԵՏՄ) երկրի անդամակցության հետ։ Գրուշկոյի խոսքով՝ արևմտյան երկրները փորձում են Երևանին ներքաշել «աշխարհաքաղաքական խաղի» մեջ, գրում է Կոմերսանտը։
«Լավ հայտնի է, որ ԵՏՄ-ին մասնակցության շնորհիվ Հայաստանը զարգանում է դինամիկ փուլերով. տնտեսական աճ է նկատվում Երևանի համար բոլոր կարևոր ոլորտներում։ Եվ դա հսկայական կարողություն է, որը Հայաստանը կարող է կորցնել, եթե Արևմուտքը նրան ներքաշի իր աշխարհաքաղաքական խաղի մեջ՝ փորձելով պոկել Հայաստանը Ռուսաստանից և այլ բնական դաշնակիցներից»,- լրագրողներին ասել է Ալեքսանդր Գրուշկոն։
Նա ընդգծել է՝ ռուսական կողմն այդ հարցը քննարկում է հայ գործընկերների հետ:
Հիշեցնենք, որ ՀՀ նախագահ Վահանգն Խաչատուրյանն ապրիլի 4-ին ստորագրել է Եվրոպական միությանը Հայաստանի Հանրապետության անդամակցելու գործընթացի մեկնարկի մասին օրենքը։
Թարգմանությունը՝ Էմմա Չոբանյանի
