24.06.2026 | 20:10
Զինվորի տունը՝ նաև երեխաների համար․ վերականգնողական նոր բաժանմունք է բացվել. ՏԵՍԱՆՅՈՒԹ
Կիևը չպետք է անդամակցի ՆԱՏՕ-ին․ Կրեմլը գոհ է Ուկրաինայի՝ դաշինքին չմիանալու մասին ԱՄՆ-ի հայտարարություններից
Քաղաքականություն
21.04.2025 | 16:04
Վաշինգտոնի հայտարարություններն այն մասին, որ Ուկրաինան չի անդամակցի ՆԱՏՕ-ին, համընկնում են Ռուսաստանի դիրքորոշման հետ և բավարարում են Մոսկվային։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Մենք Վաշինգտոնից տարբեր մակարդակներով լսել ենք, որ Ուկրաինայի անդամակցությունը ՆԱՏՕ-ին բացառված է։ Եվ, իհարկե, սա բավարարում է մեզ և համընկնում է մեր դիրքորոշման հետ, որ Ուկրաինան չպետք է լինի ՆԱՏՕ-ի անդամ և չպետք է ունենա Հյուսիսատլանտյան դաշինքին ինտեգրվելու հեռանկար, քանի որ դա սպառնալիք կներկայացներ Ռուսաստանի ազգային շահերին»,- լրագրողներին ասել է Պեսկովը։
Նրա խոսքով՝ Ուկրաինայի ՆԱՏՕ-ին ձգտումը դարձել է հակամարտության սկզբնական պատճառներից մեկը։
Պեսկովին նաև խնդրել են մեկնաբանել լրատվամիջոցների այն տեղեկությունները, որ Միացյալ Նահանգները, իբր, պատրաստ է ճանաչել Ռուսաստանի վերահսկողությունը Ղրիմի նկատմամբ՝ որպես Ռուսաստանի և Ուկրաինայի միջև խաղաղության համաձայնագրի մաս:
«Հիմա շատ են նման հաղորդումները, քննարկումները։ Իհարկե, մենք խաղաղ կարգավորման հասնելու ուղիներ գտնելու աշխատանքները չեն կարող և չպետք է տեղի ունենան հանրային ոլորտում։ Դա պետք է տեղի ունենա լիովին գաղտնի ձևով, ուստի անհրաժեշտ է շատ զգույշ վերաբերվել նման անձնազուրկ տեղեկատվության արտահոսքերի հետ»,- ասել է Կրեմլի ներկայացուցիչը։
Հիշեցնենք, որ WSJ-ն ավելի վաղ հայտնել էր, որ ԱՄՆ-ը Կիևին է փոխանցել Ուկրաինայում պատերազմի դադարեցման նոր առաջարկները, որը ենթադրում է բռնակցված Ղրիմի նկատմամբ ՌԴ վերահսկողության ճանաչում, ՆԱՏՕ-ի անդամակցությունից հրաժարում, Զապորոժիեի ԱԷԿ-ի տարածքի հսկողություն ամերիկյան կողմից։
Թարգմանությունը՝ Էմմա Չոբանյանի
