08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Փաշինյանը չի մասնակցում Մայր Աթոռում մատուցվող Սուրբ Հարության պատարագին
Քաղաքականություն
20.04.2025 | 10:51
Քրիստոնյա աշխարհն այսօր նշում է Սուրբ Զատիկը՝ Քրիստոսի Հարության տոնը:
Այսօր` ապրիլի 20-ին, Սուրբ Հարության տոնի առիթով Մայր տաճարում հայրապետական Սուրբ պատարագ է մատուցվում Գարեգին Բ կաթողիկոսի ձեռամբ։
Factor.am-ն արձանագրել է, որ Նիկոլ Փաշինյանը ներկա չէ Սուրբ Հարության տոնի պատարագին։ Փորձեցինք վարչապետի աշխատակազմից մեկնաբանություն ստանալ, սակայն, մամուլի խոսնակը զանգերն ու հաղորդագրություններն անպատասխան թողեց։
2020 թվականի պատերազմից հետո խորը ճգնաժամ կա Հայաստանի քաղաքական և հոգևոր իշխանությունների միջև։ Կաթողիկոսը Քոչարյանի և Սերժ Սարգսյանի հետ միասին Փաշինյանին հրաժարականի պահանջ ներկայացրեց։ Դրանից հետո վարչապետն ու կաթողիկոսը որևէ պետական արարողակարգի միասին չեն մասնակցում։ Փաշինյանը նախորդ տարի սեպտեմբերին մասնակցեց միայն Մայր տաճարի վերաօծման արարողությանը։
Վերջին անգամ Հայաստանի վարչապետ Նիկոլ Փաշինյանը մասնակցել է Ամենայն Հայոց կաթողիկոս Գարեգին Բ-ի հանդիսապետությամբ մատուցվող Սուրբ Հարության պատարագին 2019 թ․ ապրիլի 21-ին՝ Երևանի Սուրբ Գրիգոր Լուսավորիչ եկեղեցում։
Նարեկ Կիրակոսյան
