Հանցավոր խումբը, իրացնելու նպատակով, ձեռք է բերել շուրջ 35 կգ տարբեր տեսակի թմրամիջոցներ

Լուրեր

09.05.2025 | 18:58
Չե՛մ լսել, որ վարչապետը «համբալ» է ասել, չե՛մ հավատում. Լուսինե Բադալյան. ՏԵՍԱՆՅՈՒԹ
09.05.2025 | 18:44
ԵՄ-ի հետ մուտքի արտոնագրերի ազատականացման լայն գործընթաց ենք մտել․ ՆԳ նախարար. ՏԵՍԱՆՅՈՒԹ
09.05.2025 | 18:41
Պուտինը և Թրամփը շնորհավորանքներ են փոխանակել մայիսի 9-ի կապակցությամբ
09.05.2025 | 18:30
Փաշինյանը պիտի՞ գնար Մոսկվա` մասնակցելու շքերթին․ հարցում Երևանում
09.05.2025 | 18:21
Մեր հարաբերությունները երբեք այսքան սերտ չեն եղել․ ԵՄ դեսպանը՝ Հայաստան-ԵՄ գործընկերության մասին. ՏԵՍԱՆՅՈՒԹ
09.05.2025 | 18:10
Քաղաքացու պնդմամբ՝ ոստիկանությունը նպատակ է ունեցել խոչընդոտել իր ակցիան «Հաղթանակ» զբոսայգու տարածքում, ՆԳՆ-ն այլ մեկնաբանություն ունի
09.05.2025 | 18:00
Աղազարյանը՝ Փաշինյանի իմփիչմենթի նախաձեռնության մասին // Ալիևները Շուշի են մեկնել․ ԼՈՒՐԵՐ
09.05.2025 | 17:55
Հռոմի պապի օծման պաշտոնական արարողությունը տեղի կունենա մայիսի 18-ին
09.05.2025 | 17:47
Հրդեհ՝ «Ռիո Մոլ» առևտրաժամանցային կենտրոնում. դեպքի վայր է մեկնել 6 մարտական հաշվարկ, 1 ավտոսանդուղք
09.05.2025 | 17:34
Բաքվում պահվող լիբանանահայ գերի Վիգեն Էուլջեքչյանը 15 օրից ավելի հացադուլի մեջ է եղել
09.05.2025 | 17:25
Փաշինյանը հանդիպել է վետերաններին և շնորհավորել տոնական օրվա առիթով
09.05.2025 | 17:12
Եվրոպայի օրը` Երևանում. ՈՒՂԻՂ
09.05.2025 | 17:10
Քննարկվել է Իրանի Շիրազ քաղաքը և ՀՀ քաղաքներից որևէ մեկը քույր քաղաքներ հռչակելու հնարավորությունը
09.05.2025 | 16:55
Փաշինյանը մոսկովյան շքերթից կադրեր է հրապարակել
09.05.2025 | 16:42
Հրդեհ՝ բեռնատարի բեռնախցիկում. այրվել է խոհանոցային պարագաներով մոտ 100 արկղ
Բոլորը

ՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող քրեական վարույթի շրջանակներում Ազգային անվտանգության ծառայության հետ իրականացված քննչական և օպերատիվ-հետախուզական միջոցառումների արդյունքում պարզվել է, որ Իրանի Իսլամական Հանրապետության քաղաքացին ՀՀ-ում թմրամիջոցների ապօրինի շրջանառությամբ զբաղվելու դիտավորությամբ՝ ՀՀ քաղաքացի Ռ.Ս-ի օժանդակությամբ, մաքսանենգ ճանապարհով Հայաստանի Հանրապետություն է ներմուծել առանձնապես խոշոր չափերով՝ ընդհանուր 6,7 կգ «Մարիխուանա» տեսակի և 2 կգ «Մեթամֆետամին» տեսակի թմրամիջոցներ, որոնք նախատեսված են եղել տելեգրամյան հարթակում իրացնելու համար․ տեղեկացնում են ՀՀ ՔԿ-ից։

«Նախաքննությամբ պարզվել է, որ խմբի ղեկավարը նախկինում ևս փորձել է իրացնելու նպատակով ձեռք բերել առանձնապես խոշոր չափերով՝ 25,2 կգ «Մարիխուանա» տեսակի, 81,6 գրամ «Մեթադոն» տեսակի և 0,99 կգ «Մեթամֆետամին» տեսակի, ինչպես նաև առնվազն 99,17 գրամ «Մարիխուանա» տեսակի թմրամիջոցներ:

Քրեական վարույթի նախաքննությամբ պարզվել և հիմնավորվել է, որ Ռ.Ս.-ն և Կ.Ս.-ն ապօրինի ձեռք բերած թմրամիջոցներն իրացրել են «Տելեգրամ» հեռահաղորդակցման հավելվածում գործող՝ իրենց կողմից կառավարվող էջերով՝ թմրամիջոց ձեռք բերելու ցանկություն հայտնած անձանց տրամադրելով իրենց կողմից փաստացի շահագործվող դրամապանակների տվյալները:

Այնուհետև, թմրամիջոցների ապօրինի վաճառքից ստացված առանձնապես խոշոր չափերով ֆինանսական միջոցների՝ ընդհանուր 58 մլն 330 հզր 421 ՀՀ դրամի հանցավոր ծագումը թաքցնելու նպատակով կրիպտոարժութային դրամապանակներին ստացված  կրիպտոարժույթների մի մասը փոխանցել են ՀՀ տարածքում գործող և «Տելեգրամ» հավելվածում կրիպտոարժույթների փոխանակմամբ զբաղվող ընկերություններին պատկանող դրամապանակներին և հրահանգել փոխանակման արդյունքում ստացված ՀՀ դրամն ուղարկել վճարահաշվարկային դրամապանակներից մեկին և իրենց կողմից օգտագործված բանկային քարտերին, իսկ ստացված գումարների մյուս մասը փոխանցել են տասնյակ այլ կրիպտոարժութային դրամապանակների։

Խմբի ղեկավարի նկատմամբ հարուցվել է հանրային քրեական հետապնդում՝ Քրեական օրենսգրքի՝ 296-րդ հոդվածի 3-րդ մասի 3-րդ կետով (առանձնապես խոշոր չափերով փողերի լվացումը), 393-րդ հոդվածի 3-րդ մասի 2-րդ կետով (առանձնապես խոշոր չափերով թմրամիջոցների, հոգեմետ (հոգեներգործուն) նյութերի, դրանց պատրաստուկների կամ դրանց համարժեք նյութերի (անալոգի) կամ դրանց ածանցյալների ապօրինի շրջանառությունն իրացնելու նպատակով կամ դրանք ապօրինի իրացնելը) (3 դրվագ) և 399-րդ հոդվածի 3-րդ մասի 2-րդ կետով (առանձնապես խոշոր չափերով թմրամիջոցների, հոգեմետ (հոգեներգործուն) նյութերի, դրանց պատրաստուկների, դրանց համարժեք նյութերի (անալոգի) կամ դրանց ածանցյալների կամ դրանց պրեկուրսորների մաքսանենգությունը) (3 դրվագ), խմբի անդամներից մեկի նկատմամբ՝  296-րդ հոդվածի 3-րդ մասի 3-րդ կետով (առանձնապես խոշոր չափերով փողերի լվացումը) և 393-րդ հոդվածի 3-րդ մասի 2-րդ կետով (առանձնապես խոշոր չափերով թմրամիջոցների, հոգեմետ (հոգեներգործուն) նյութերի, դրանց պատրաստուկների կամ դրանց համարժեք նյութերի (անալոգի) կամ դրանց ածանցյալների ապօրինի շրջանառությունն իրացնելու նպատակով կամ դրանք ապօրինի իրացնելը), մյուս անդամի նկատմամբ՝ 393-րդ հոդվածի 3-րդ մասի 2-րդ կետով (առանձնապես խոշոր չափերով թմրամիջոցների, հոգեմետ (հոգեներգործուն) նյութերի, դրանց պատրաստուկների կամ դրանց համարժեք նյութերի (անալոգի) կամ դրանց ածանցյալների ապօրինի շրջանառությունն իրացնելու նպատակով կամ դրանք ապօրինի իրացնելը)։

Վերջիններիս նկատմամբ որպես խափանման միջոց կիրառվել է կալանքը։

ԻԻՀ քաղաքացու նկատմամբ հարուցվել է հանրային քրեական հետապնդում, որպես խափանման միջոց ընտրվել է կալանքը, հայտարարվել է հետախուզում։

Խմբի 3 անդամների վերաբերյալ քրեական վարույթը մեղադրական եզրակացությամբ ուղարկվել է հսկող դատախազին»,- ասված է հաղորդագրությունում;