15.05.2025 | 23:31
Ադրբեջանում 2024 թվականին զոհվել է 51 զինծառայող, 2025-ի առաջին հինգ ամիսներին` 14 զինծառայող
Ինչու է Նիկոլ Փաշինյանը նախընտրում հետազոտվել մասնավոր, այլ ոչ թե պետական բուժհիմնարկում
17.04.2025 | 21:14
Մոտ տասը օր առաջ լրատվամիջոցները գրեցին, որ Նիկոլ Փաշինյանի ինքնազգացողությունը վատացել է, նա այցելել է «Նաիրի» բժշկական կենտրոն։ Վարչապետի մամուլի խոսնակը պարզաբանեց, որ «Վարչապետ Փաշինյանը ամեն տարի անցնում է հերթական բուժզննում։ Նախորդ շաբաթ իրականացվել է հերթական բուժզննումը։ Վարչապետը առողջ է, աշխատել է եւ շարունակում է աշխատել իր լիարժեք կարգացուցակով»։
Factor.am-ի աչքից չի վրիպել այն հանգամանքը, որ Հայաստանի վարչապետը նախընտրում է իր բուժզննումներն անցնել մասնավոր բժշկական կենտրոնում, այլ ոչ թե պետական կարգավիճակ ունեցողներում՝ մասնավորապես «Գրիգոր Լուսավորիչ» ԲԿ-ում, որը ևս բազմապրոֆիլ հիվանդանոց է։
Factor.am-ը գրավոր հարցմամբ դիմել է վարչապետի աշխատակազմին և խնդրել պարզաբանել, թե ինչով է պայմանավորված մասնավոր հիվանդանոցի ընտրությունը, արդյո՞ք չի վստահում պետական բուժհիմնարկների որակին։
««Նաիրի» ԲԿ-ի ընտրությունը պայմանավորված է այն հանգամանքով, որ այն առավել մոտ է գտնվում վարչապետի կեցավայրին։ Թեև վարչապետը բժշկական կենտրոն մշտապես այցելում է աշխատաժամից դուրս, սակայն ժամանակի խնայողությամբ պայմանավորված՝ նախընտրելի է ամենամոտ բուժհաստատության ընտրությունը»,- պարզաբանել են վարչապետի աշխատակազմից։
Նարեկ Կիրակոսյան
