20.03.2026 | 19:21
Նոր նշանակումներ Քննչական կոմիտեում
Հայաստանի ագրարային համալսարանը նոր ռեկտոր ունի․ ԿԳՄՍ նախարարը կառավարության նիստին ներկայացրեց նրան․ ՏԵՍԱՆՅՈՒԹ
Հասարակություն
17.04.2025 | 18:19
Հայաստանի ազգային ագրարային համալսարանը նոր ռեկտոր ունի։ Կառավարության այսօրվա նիստում հաստատվեցին «Հայաստանի ազգային ագրարային համալսարան» հիմնադրամի ռեկտորի պաշտոնում Հրաչյա Սամվելի Զաքոյանի ընտրության արդյունքները: ԿԳՄՍ նախարար Ժաննա Անդրեասյանը գործընկերներին ներկայացրեց նոր ռեկտորին։
Նշենք, որ 2025 թվականի մարտի 19-ին կայացել էր «Հայաստանի ազգային ագրարային համալսարան» հիմնադրամի ռեկտորի թափուր պաշտոնը զբաղեցնելու համար մրցույթ, որին մասնակցելու համար գրանցվել էր չորս հավակնորդ՝ Արևիկ Ազիզյանը, Հրաչյա Զաքոյանը, Հայկ Ղազարյանն ու Սոնա Ծառուկյանը:
«Մրցույթն ընթացել է «Հայաստանի ազգային ագրարային համալսարան» հիմնադրամի կանոնադրության և հոգաբարձուների խորհրդի կողմից հաստատված ռեկտորի ընտրության ընթացակարգին համաձայն: Նիստին մասնակցում էին հոգաբարձուների խորհրդի 20 անդամները: Ռեկտորի ընտրությունը կայացել է մեկ փուլով, որի արդյունքում հոգաբարձուների խորհրդի անդամների գաղտնի քվեարկությամբ (19 կողմ, 0 դեմ ) տնտեսագիտության թեկնածու, դոցենտ Հրաչյա Սամվելի Զաքոյանն ընտրվել է Հայաստանի ազգային ագրարային համալսարանի ռեկտորի պաշտոնում՝ 5 տարի ժամկետով»,- նշված է կառավարության հիմնավորման մեջ։
Մանրամասները՝ տեսանյութում։
