09.08.2026 | 13:13
Դաշտավանում ծեծկռտուք է եղել․ մասնակիցները հարվածել են քարերով, մահակներով և կռփազենքով
Զախարովան հայտարարել է, թե «ԵՄ դիտորդները լրտեսներ են, աշխատում են ՀՀ-ի հետ սահմանակից բոլոր երկրների դեմ»․ՏԵՍԱՆՅՈՒԹ
Քաղաքականություն
17.04.2025 | 18:10
Եվրոպացիները, հատկապես՝ ֆրանսիացիները, առաջին հերթին հետաքրքված են տարածաշրջանի լարվածությամբ՝ սեփական աշխարահաքաղաքական նպատակներին հասնելու համար։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Ֆրանսիայի ԱԳ նախարար Ժոն-Նոել Բարրոյի՝ ՀՀ-ում ԵՄ առաքելության ընդլայնման մասին հայտարարությունը։
Նա ասել է, թե պատրանքներ չունեն, և որ Հարավային Կովկասում Փարիզի իրական օրակարգը «որևէ ընդհանրություն չունի ապաէսկալացիայի, կարգավորման, խաղաղության հետ»։
«ԵՄ իսկական նպատակները Հայաստանում որևէ կերպ կապված չեն Բաքվի ու Երևանի միջև կարգավորմանը նպաստելու հետ։ Դիտորդները լրտեսներ են, որոնք աշխատում են Հայաստանի հետ սահմանակից բոլոր երկրների դեմ։ Դա ընդգծվել է շատ տարածաշրջանային խաղացողների կողմից։ Փարիզի ներկայացուցիչները հավաքված տեղեկությունները հայ գործընկերների հետ էլ չեն կիսում, դրանք ուղարկվում են Բրյուսել, քանի որ նպատակը այլ է»,- ասել է Զախարովան՝ կրկնելով ԵՄ դիտորդների վերաբերյալ Բաքվի քարոզչական թեզերը։
Մանրամասները՝ տեսանյութում։
Էմմա Չոբանյան
