07.10.2026 | 12:47
Դատախազությունը պահանջում է ՊԵԿ նախկին պաշտոնյայից հօգուտ պետության բռնագանձել 3 անշարժ գույք, մեքենա և շուրջ 450 մլն դրամ
ԵՄ-ն պատրաստ է ՀՀ-ին և Ադրբեջանին լրացուցիչ աջակցություն ցուցաբերել կարգավորման գործընթացում
Քաղաքականություն
17.04.2025 | 12:48
ԵՄ-ն բարձր է գնահատում խաղաղության համաձայնագրին հասնելու՝ Հայաստանի և Ադրբեջանի մշտական ջանքերը։ Այս մասին ադրբեջանական Report-ին ասել են ԵՄ արտաքին գործերի և անվտանգության քաղաքականության վարչությունից։
Նշվել է, որ ԵՄ-ն պատրաստ է լրացուցիչ աջակցություն ցուցաբերել կողմերին կարգավորման գործընթացում, եթե Հայաստանն ու Ադրբեջանը դա ցանկանում են։ Հաղորդվել է, որ ԵՄ-ն ողջունում է խաղաղության համաձայնագրի նախագծի շուրջ բանակցությունների ավարտի և պաշտոնական Բաքվի ու Երևանի միջև միջպետական հարաբերությունների հաստատման վերաբերյալ հայտարարությունները։
«Մենք ողջունում ենք Ադրբեջանին և Հայաստանին այս ուղղությամբ վերջին մի քանի տարիների ընթացքում գործադրած շարունակական ջանքերի համար՝ թե՛ երկկողմ, թե՛ միջազգային հանրության մասնակցությամբ»,- ասվում է հայտարարության մեջ։
Դրանում նաև ընդգծվում է, որ ներկայիս հայտարարությունները վճռորոշ քայլ են տարածաշրջանում երկարատև խաղաղության և անվտանգության ուղղությամբ։
«Կարևոր է պահպանել այս ազդակը և ապահովել գործընթացի սահուն ավարտը՝ երկու կողմերից նույն հեռանկարային և փոխզիջման վրա կենտրոնացած մոտեցմամբ։ Մենք կոչ ենք անում կողմերին հնարավորինս շուտ ստորագրել համաձայնագրի նախագիծը»,- նշվում է հայտարարության մեջ։
Թարգմանությունը՝ Էմմա Չոբանյանի
