FlightRadar-ի փոխանցմամբ՝ Օմանի մայրաքաղաք Մասկատում վայրէջք է կատարել ԱՄՆ նախագահի հատուկ բանագնաց Սթիվեն Ուիթքոֆի ինքնաթիռը։
Նշենք, որ Օմանում կկայանա ԱՄՆ-ի և Իրանի ներկայացուցիչների հանդիպումը, որտեղ նրանք նախատեսում են քննարկել իրանական միջուկային ծրագրի շուրջ ստեղծված իրավիճակի կարգավորման պարամետրերը։
Մինչ այդ Ուիթկոֆը հանդիպել էր ՌԴ նախագահ Վլադիմիր Պուտինի հետ։ Հանդիպումը տևել էր ավելի քան չորս ժամ փակ ձևաչափով՝ Սանկտ Պետերբուրգի նախագահական գրադարանի շենքում։
Սպիտակ տան մամուլի քարտուղար Քերոլին Լևիթն ասել էր, որ Ուիթքոֆիի այցը «հերթական քայլ է հրադադարի և խաղաղության համաձայնագրի բանակցություններում»:
