20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Լավրովը հայտարարել է, որ ՌԴ-ն ԱՄՆ-ին առաջարկել է վերացնել Aeroflot-ի դեմ պատժամիջոցները. պատասխան դեռևս չկա
Քաղաքականություն
11.04.2025 | 16:12
Ռուսաստանը Միացյալ Նահանգներին առաջարկել է վերացնել Aeroflot-ի դեմ պատժամիջոցները, սակայն դեռևս պատասխան չի ստացել։ Այս մասին հայտարարել է ՌԴ ԱԳ նախարար Սերգեյ Լավրովը, գրում է ՌԲԿ-ն։
«Ռուսաստանի և ԱՄՆ-ի միջև ուղիղ օդային հաղորդակցության վերականգնումը պետք է լինի Aeroflot-ին պատժամիջոցներից ազատելու հետևանքը։ Մենք այս առաջարկն արել ենք դեռևս Ռիադում նշված հանդիպումից առաջ՝ ավելի քան մեկ ամիս առաջ։ Մինչ այժմ մենք որևէ արձագանք չենք տեսել»,- ասել է նա։
Լավրովը նշել է, որ ապրիլի 10-ին Ստամբուլում կայացած հանդիպման ժամանակ ռուսական պատվիրակությունը հիշեցրել է ամերիկյան պատվիրակությանն այս առաջարկի մասին։
Ռուսական ավիափոխադրողը ԱՄՆ-ի պատժամիջոցների տակ է 2022 թվականի ապրիլից։
Թարգմանությունը՝ Էմմա Չոբանյանի
