25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Նյու Յորքում ուղղաթիռը Հուդզոն գետն է ընկել․ զոհվել են Siemens-ի իսպանական մասնաճյուղի տնօրենն ու նրա ընտանիքի անդամները․ ՏԵՍԱՆՅՈՒԹ
Քաղաքականություն
11.04.2025 | 10:53
Իսպանիայից ընտանիքի անդամների տեղափոխող զբոսաշրջիկների ուղղաթիռը Նյու Յորքում ընկել է Հուդզոն գետը, զոհվել է վեց մարդ, այդ թվում՝ երեք երեխա, հաղորդում է ABC news-ը։
The New York Helicopters-ից վարձակալած ուղղաթիռը, որի մեջ եղել են օդաչու, երկու մեծահասակ և երեք երեխա, ընկել է Հուդզոն գետը՝ Նյու Յորքի Ստորին Մանհեթենում։
ABC News-ին իրավապահ մարմինների աղբյուրները հայտնել են, որ վթարի հետևանքով զոհվել են Siemens-ի եվրոպական ավտոմատացման ընկերության գործադիր տնօրեն Ագուստին Էսկոբարը, նրա կինը՝ Մերսե Կամպրուբի Մոնտալը, և նրանց 4, 5 և 11 տարեկան երեխաները, ինչպես նաև 36-ամյա օդաչուն։
Վթարը տեղի է ունեցել տեղական ժամանակով 15:17-ին՝ թռիչքից ընդամենը 15 րոպե անց։ Ուղղաթիռը հասել է Ջորջ Վաշինգտոնի կամրջին և վթարի ենթարկվել՝ նախքան հարավ շրջվելը։
Հինգ հոգանոց ընտանիքը Իսպանիայի Բարսելոնա քաղաքից էր։
ԱՄՆ Ազգային տրանսպորտային անվտանգության խորհուրդը հետաքննում է միջադեպը։
ԱՄՆ նախագահ Դոնալդ Թրամփը վթարն անվանել է «սարսափելի» և ասել, որ վթարի կադրերը «սարսափելի» են ու ցավակցություններ հայտնել։
Թարգմանությունը՝ Էմմա Չոբանյանի
