09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Էրդողանը 13 տարվա մեջ առաջին անգամ հանդիպել է Թուրքիայի քրդամետ կուսակցության անդամներին
Քաղաքականություն
10.04.2025 | 22:38
Թուքիայի նախագահ Ռեջեփ Թայիփ Էրդողանն այսօր Անկարայում բանակցություններ է անցկացրել քրդամետ «Ժողովուրդների հավասարություն և ժողովրդավարություն» (DEM) կուսակցության պատվիրակության հետ, ինչը նրա առաջին անմիջական հանդիպումն է քուրդ քաղաքական գործիչների հետ 13 տարվա ընթացքում, հայտնում են թուրքական լրատվամիջոցները։
Հանդիպմանը մասնակցել են Վանից պատգամավոր Փերվին Բուլդանը և Ստամբուլից պատգամավոր, Թուրքիայի խորհրդարանի փոխխոսնակ Սըրրի Սուրեյա Օնդերը: Նրանք այն պատվիրակության կազմում են եղել, որն ավելի վաղ Իմարլը կղզում հանդիպել էր Քուրդիստանի աշխատավորական կուսակցության (PKK) բանտարկված առաջնորդ Աբդուլլահ Օջալանի հետ։
«Սա կարևոր հանդիպում է: Մինչ օրս մենք բազմաթիվ քննարկումներ ենք ունեցել ընդդիմադիր կուսակցությունների առաջնորդների, Իմրալըում գտնվող պարոն Օջալանի, ինչպես նաև քաղաքացիական հասարակության կազմակերպությունների հետ»,- հանդիպումից առաջ ասել է Բուլդանը։
Նա նշել է, որ հնարավոր է՝ Էրդողանն առաջին անգամ է իրենց հետո մտքեր փոխանակում այդ հարցի շուրջ։
«Նա կարտահայտի իր տեսակետներմ այն մասին, թե ինչ պետք է արվի, և մենք նրան կտեղեկացնենք մեր ունեցած բոլոր քննարկումների մասին: Թող դա հանգեցնի խաղաղության: Մենք կարող ենք գրավոր հայտարարություն անել դրանից հետո»,-ասել է Բուլդանը։
Հավելենք, որ Էրդողանը վերջին անգամ քրդական կուսակցության անդամներից Սելահաթթին Դեմիրթաշի և Գյուլթան Քըշանաքի հետ հանդիպել է2012 թվականի հունիսի 12-ին։
Հիշեցնենք, որ ավելի վաղ Օջալանը կոչ էր արել PKK-ին վայր դնել զենքերը և ինքնալուծարվել։
Թարգմանությունը՝ Էմմա Չոբանյանի
