Քաղաքականություն
10.04.2025 | 13:47
Դոմինիկյան Հանրապետությունում գիշերային ակումբի տանիքի փլուզման հետևանքով զոհերի թիվը հասել է 184-ի: Այս տվյալները հրապարակել է փրկարարական ծառայության տնօրեն Խուան Մանուել Մենդեսը, գրում է DW-ի ռուսական ծառայությունը։
Հիվանդանոցներում շարունակում է մնալ ավելի քան 150 վիրավոր:
Ողբերգության վայրում աշխատում է ավելի քան 300 փրկարար, սակայն իշխանությունները հայտարարել են, որ փլատակների տակ ողջ մնացածների գտնելու հավանականություն չկա։ Համապատասխան ծառայությունների աշխատակիցները որոնողական-փրկարարական գործողություններից անցել են մարմինների որոնմանը։
Ապրիլի 8-ի գիշերը երկրի մայրաքաղաք Սանտո Դոմինգոյի Jet Set ակումբի տանիքը փլուզվել էր հայտնի երգիչ Ռուբի Պերեսի համերգի ժամանակ։ Ողբերգության պատճառները դեռևս անհայտ են։ Երգիչը նույնպես մահացել է։
Աղետի պահին հաստատության այցելուների ճշգրիտ թիվն անհայտ է։ Տեղական լրատվամիջոցների հաղորդումները տատանվում են 500-ից մինչև 1000 մարդու միջև։
Երկրի նախագահ Լուիս Աբինադերը եռօրյա ազգային սուգ է հայտարարել։
Թարգմանությունը՝ Էմմա Չոբանյանի
