09.08.2026 | 18:10
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Կարող եք հազար անգամ ստուգել, մենք ատոմային ռումբ չունենք․ Իրանի նախագահ
Քաղաքականություն
09.04.2025 | 17:38
Մենք բաց ենք երկխոսության համար, բայց չենք զիջելու մեր ձեռքբերումները և նրանց հետ գործարքներ չենք կնքի։ Այս մասին հայտարարել է Իրանի նախագահ Մասուդ Փեզեշքիանը, գրում է Mehr գործակալությունը։
Ելույթ ունենալով Իրանի միջուկային նոր ձեռքբերումների բացահայտման արարողության ժամանակ՝ Պեզեշքիանն ընդգծել է երկրի միջուկային ծրագրի խաղաղ բնույթը։ Նա ևս մեկ անգամ ընդգծել է, որ Իսլամական Հանրապետությունը չի ձգտում միջուկային զենք արտադրել։
«Մենք ատոմային ռումբ չենք փնտրում: Ո՞վ է [Իրանի համար] քաղաքականությունը վեր դասում Իսլամական հեղափոխության առաջնորդից, որը պաշտոնապես հայտարարել է, որ մենք ատոմային ռումբ չենք փնտրում։ Հազար անգամ ստուգեք։ Կարող եք հազար անգամ ստուգել, որ մենք ատոմային ռումբեր չունենք, բայց մեզ անհրաժեշտ է միջուկային գիտություն և միջուկային էներգիա»,- ընդգծել է Իրանի նախագահը։
Նա, միաժամանակ, հայտարարել է, որ Իրանը պատերազմ չի փնտրում, բայց իր գիտնականների ստեղծած գիտելիքով և ուժով ամուր կկանգնի ցանկացած ագրեսիայի դեմ։
«Որքան շատ նրանք մեզ վնասեն, այնքան մենք ավելի հզոր կդառնանք, ավելի ուժեղ կլինենք նրանց կողմից ցանկացած սպառնալիքի դեմ։ Մենք ցանկանում ենք խաղաղություն և անվտանգություն, բաց ենք երկխոսության համար, բայց չենք զիջելու մեր ձեռքբերումները և երբեք թույլ չենք տա, որ դրանք խոչընդոտեն մեր մտածողությանն ու նորարարությանը»,- ասել է Իրանի նախագահը։
Թարգմանությունը՝ Էմմա Չոբանյանի
