02.08.2026 | 17:11
Սևանա լճի հանրային լողափերից մեկում կորած երեխան հայտնաբերվել է
«ԵՄ-ն մեզ հետ շատ վատ է վարվում». Թրամփը մերժել է փոխադարձ մաքսատուրքերից հրաժարվելու՝ ԵՄ-ի առաջարկները
Քաղաքականություն
08.04.2025 | 12:44
ԵՄ-ի հետ մաքսատուրքերի կոնֆլիկտում ԱՄՆ նախագահ Դոնալդ Թրամփը մերժել է արդյունաբերական ապրանքների համար բոլոր փոխադարձ մաքսատուրքերը հանելու՝ Բրյուսելի առաջարկը, գրում է Bild-ը։
Հարցին՝ արդյոք բավարար է Եվրահանձնաժողովի նախագահ Ուրսուլա ֆոն դեր Լեյենի համապատասխան առաջարկը, Թրամփը լրագրողներին ասել է. «Ոչ, դա բավարար չէ»:
Փոխարենը, ԱՄՆ նախագահն առաջարկում է, որ ԵՄ երկրները զգալիորեն ավելի շատ էներգիա ներկրեն ԱՄՆ-ից, ինչը համարժեք կլինի ԵՄ-ի հետ ԱՄՆ-ի ներկայիս առևտրային դեֆիցիտին:
Թրամփը ևս մեկ անգամ քննադատել է, իր բնորոշմամբ, անարդար առևտրային հարաբերությունները ԱՄՆ-ի և ԵՄ երկրների միջև։
«Եվրամիությունը մեզ հետ շատ, շատ վատ է վարվում, մեր մեքենաները չեն գնում, մեր գյուղմթերքը չեն գնում, մեզանից գործնականում ոչինչ չեն գնում»,- ասել է նա։
Ֆոն դեր Լեյենը նախօրեին հայտնել էր, որ ԱՄՆ նախագահին առաջարկել է «զրոյական մաքսատուրքեր արդյունաբերական ապրանքների համար»՝ ի պատասխան Թրամփի կողմից անցյալ շաբաթ հայտարարված մաքսատուրքերի՝ հավելելով, որ ԵՄ-ն «միշտ պատրաստ է լավ գործարք կնքել»։
Եվրահանձնաժողովը և ԵՄ անդամ երկրները նույնպես մի շարք հակաքայլեր են նախապատրաստում՝ ի պատասխան ԱՄՆ-ի մաքսատուրքերի։ Հակասակագները ուժի մեջ կմտնեն աստիճանաբար՝ ապրիլի կեսերից։
