06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Բաքուն հայաթափված Ստեփանակերտում միջազգային ֆորում է անցկացնում
08.04.2025 | 13:01
Ադրբեջանն էթնիկ զտման ենթարկած Ստեփանակերում միջազգային քաղաքական ֆորում է անցկացնում։ Ադրբեջանական լրատվամիջոցների հաղորդմամբ՝ Արցախի պետական համալսրանում, որը Բաքուն վերանվանել է «Ղարաբաղի» համալսարան, անցկացվում է ADA դիվանագիտական համալսարանի 7-րդ քաղաքական ֆորումը՝ «Դեպի նոր աշխարհակարգ» թեմայով։
Ֆորումի ընթացքում երկու պանելային նիստ է անցկացվելու՝ «Աշխարհաքաղաքական փոփոխությունները և դրանց ազդեցությունը տարածաշրջանային ինքնիշխանության վրա» և «Նոր աշխարհակարգ. ակնկալիքներ տնտեսական փոխակերպումից և թվային հեղափոխությունից» խորագրերով:
Ըստ ադրբեջանական կողմի՝ ֆորումին մասնակցում են ավելի քան 80 միջազգային փորձագետներ և վերլուծական կենտրոնների ներկայացուցիչներ 44 երկրներից։
Ապրիլի 9-ին միջոցառումները շարունակվելու են Բաքվում։
Թարգմանությունը՝ Էմմա Չոբանյանի
