16.11.2024 | 12:34
Վահագն Խաչատուրյանը ԿԽՄԿ նախագահի հետ քննարկել է գերիներին և անհետ կորածների հարցեր
Ազգային համաձայնության Կառավարությունը քանդվեց․ ովքեր են հեռացողները
Քաղաքականություն
03.10.2018 | 19:31
Երեկ հայաստանյան ներքաղաքական կյանքում տեղի ունեցած անակնկալ զարգացումների արդյունքում, կարելի է ասել, քանդվեց 4 ամիս առաջ ձևավորված ազգային համաձայնության Կառավարությունը։
Վարչապետ Նիկոլ Փաշինյանը հայտարարեց, որ աշխատանքից ազատում է Կառավարության մաս կազմող ՀՅԴ-ական և ԲՀԿ-ական նախարարներին, իսկ այսօր առավոտյան արդեն ՀՀ նախագահ Արմեն Սարգսյանը համապատասխան հրամանագրեր ստորագրեց, որոնցով՝ Աշոտ Հակոբյանն ազատվեց տրանսպորտի, կապի և տեղեկատվական տեխնոլոգիաների Արծվիկ Մինասյանը՝ տնտեսական զարգացման և ներդրումների, Լևոն Վահրադյանը սպորտի և երիտասարդության հարցերի, Հրաչյա Ռոստոմյանը՝ արտակարգ իրավիճակների, Արթուր Խաչատրյանը՝ գյուղատնտեսության, իսկ Արթուր Գրիգորյանն էլ էներգետիկ ենթակառուցվածքների և բնական պաշարների նախարարի պաշտոնից:
Հրաժարականների շարքը, սակայն, այսքանով չավարտվեց, այսօր առավոտյան հրաժարականի դիմումներ ներկայացրին նաև Գեղարքունիքի դաշնակցական մարզպետ Իշխան Սաղաթելյանը:
ԲՀԿ-ի մանդատով Արմավիրի մարզպետ նշանակված Գագիկ Միրիջանյանը:
Այսօր հեռացան նաև Արագածոտնի ՀՅԴ-ական մարզպետ Աշոտ Սիմոնյանը:
Արարատի ՀՅԴ-ական փոխմարզպետ Հայրապետ Բաբայանը:
Դաշնակցական մեկ այլ գործիչ՝ բնապահպանության նախարարության անտառային պետական կոմիտեի նախագահ Միքայել Մանուկյանը, ևս հրաժարականի դիմում ներկայացրեց:
Աղավնի Սուքիասյան
