25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Իսրայելը հարվածներ է հասցրել Գազայի հիվանդանոցների մերձակայքին․ զոհեր կան, այդ թվում՝լրագրող
Քաղաքականություն
07.04.2025 | 17:10
Իսրայելը գիշերը հարվածներ է հասցրել Գազայի հատվածի երկու խոշոր հիվանդանոցների մոտ գտնվող վրաններին, ինչի հետևանքով զոհվել է առնվազն երկու մարդ, այդ թվում՝ տեղացի լրագրողը, ։ Եվս 9 մարդ վիրավոր է, այդ թվում՝ վեց լրագրող, հայտնել են բժիշկները, գրում է France 24-ը։
Եվս 15 մարդ զոհվել է ամբողջ տարածքում առանձին հարվածների հետևանքով։
Նշվում է, որ ժամը 2-ի սահմաններում Խան Յունիսի Նասեր հիվանդանոցի մոտ տեղի ունեցած հարվածի հետևանքով վրանն այրվել է, ինչի հետևանքով զոհվել է Palestine Today հեռուստաընկերության թղթակից Յուսեֆ ալ-Ֆաքավին ու ևս մեկ տղամարդ։ Այս հարվածի հետևանքով վիրավորվել են վեց լրագրողներ։
Իսրայելական բանակը հայտարարել է, որ հարված է հասցրել ՀԱՄԱՍ-ի զինյալներին՝ առանց լրացուցիչ տեղեկություններ տրամադրելու:
Լիբանանի առողջապահության նախարարությունն էլ հայտնել է, որ երկուշաբթի Իսրայելի հարվածի հետևանքով երկրի հարավում մեկ մարդ է սպանվել։
«Իսրայելական թշնամու անօդաչու թռչող սարքի հարվածը սահմանամերձ Թայբե քաղաքին հանգեցրել է մեկ քաղաքացու մահվան»,- ասվում է երկրի Աողջապահության նախարարության հայտարարության մեջ։
Իսրայելական զինվորականները AFP-ին հայտնել են, որ ուսումնասիրում են հարվածի մասին հաղորդումները:
Թարգմանությունը՝ Էմմա Չոբանյանի
