Քաղաքականություն
07.04.2025 | 12:43
Ադրբեջանական Սու-25 կործանիչը հաջողությամբ ավարտել է Թուրքիայի պաշտպանական արդյունաբերության կողմից մշակված SOM ŞAHİN թևավոր հրթիռի կրակային փորձարկումները։ Այս մասին գրում են ադրբեջանական լրատվամիջոցները՝ վկայակոչելով թուրքական SavunmaSanayiST-ին։
Նշվում է, որ «SOM-B1 հրթիռի արձակումը հաջողությամբ իրականացվել է ադրբեջանական Սու-25 ինքնաթիռից՝ օգտագործելով կասեցման համակարգը և TÜBİTAK SAGE-ի մշակած ինքնաթիռի ինքնավար հրաձգության համակարգը (UBAS): Փորձարկումն անցկացվել է 2024 թվականին Թուրքիայում։
Սու-25 LAÇİN ինքնաթիռից արձակված SOM ŞAHİN թևավոր հրթիռը հաջողությամբ խոցել է թիրախը մեծ հեռավորության վրա։ Այսպիսով, ավարտվել է SOM թևավոր հրթիռների գնման ամենակարևոր փուլը, որի մասին Ադրբեջանն առաջին անգամ հայտարարել էր 2018 թվականին։
TÜBİTAK-SAGE-ի կողմից մշակված և Roketsan-ի կողմից արտադրվող SOM-ը հայտնի է որպես Թուրքիայի առաջին թևավոր հրթիռ:
SOM ŞAHİN թևավոր հրթիռը Ադրբեջանի կողմից օգտագործվելու է Սու-25 և AKINCI հարվածային անօդաչու թռչող սարքերի հարթակներում։
Թարգմանությունը՝ Էմմա Չոբանյանի
