09.08.2026 | 20:32
Իսրայելը մերժել է Գազայի հատվածի վերաբերյալ Թրամփի ծրագիրը
ԱՄՆ-ում բնակվող ուկրաինացիներին սխալմամբ նամակներ են ուղարկել՝ պահանջելով լքել երկիրը
Քաղաքականություն
05.04.2025 | 13:33
Հումանիտար ծրագրի շրջանակներում ԱՄՆ-ում գտնվող Ուկրաինայի քաղաքացիները նամակներ են ստացել, որով պահանջ է ներկքյքցվել լքել երկիրը, հայտնում է Politico-ն։
ԱՄՆ մաքսային և սահմանային պաշտպանության ծառայության անունից ուղարկված նամակներում ասվում է, որ ուկրաինացիների կարգավիճակն ԱՄՆ-ում վերանայվել է, և նրանք այլևս երկրում գտնվելու օրինական իրավունք չունեն։ Թե կոնկրետ քանի մարդ է ստացել նման նամակ, հայտնի չէ։
ԱՄՆ ներքին անվտանգության նախարարությունից, սակայն, վստահեցրել են, որ տեղի ունեցածը սխալմունք է։
«Մարդասիրական ծրագրերի շրջանակներում ԱՄՆ-ում գտնվող ոչ մի ուկրաինացու կարգավիճակ չի փոխվել։ Ծրագրերը, որոնց շրջանակներում Միացյալ Նահանգները լայնամասշտաբ պատերազմի սկսվելուց ի վեր ընդունել է 240 հազար ուկրաինացիների, շարունակում են գործել», – ասել են նախարարության ներկայացուցիչները։
Մարտի սկզբին Reuters-ը, հղում անելով աղբյուրներին, հայտնել էր, որ ԱՄՆ նախագահ Դոնալդ Թրամփի վարչակազմը նախատեսում է զրկել շուրջ 240 հազար ուկրաինացի փախստականների իրավական կարգավիճակից՝ չեղարկելով մարդասիրական ծրագրերը։ Թրամփի վարչակազմն այս հաղորդագրություններն անվանել է «կեղծ լուրեր»։ Միևնույն ժամանակ, Սպիտակ տան մամուլի քարտուղար Քերոլայն Լևիթը հավելել է, որ «այս պահին որևէ որոշում չի կայացվել»։
