08.09.2026 | 22:18
Ֆրանսիան, Մեծ Բրիտանիան և ևս 10 երկիր արգելել են Արևմտյան ափի իսրայելական բնակավայրերից ապրանքների ներմուծումը
ԱԹՍ-ներով հարձակում ուկրաինական Խարկովի վրա․ զոհվել է 5, վիրավորվել՝ ավելի քան 30 մարդ
Քաղաքականություն
04.04.2025 | 13:51
Ռուսական բանակը անօդաչու թռչող սարքերով գրոհել է Ուկրաինայի Խարկով քաղաքի Նովոբավարսկի շրջանը։ ԱԹՍ-ների հարվածների հետևանքով տուժել են բազմաբնակարան շենքեր։ Հաղորդվում է 5 զոհի և 32 վիրավորի մասին, այդ թվում՝ երեխա, գրում է DW-ի ռուսական ծառայությունը։
Խարկովի քաղաքապետ Իգոր Տերեխովի խոսքով՝ փրկարարները շարունակում են փլատակների մաքրումը, որոնց տակ կարող են մարդիկ լինել։
Բացի այդ, ապրիլի լույս 4-ի գիշերը Դնեպրը ենթարկվել է «Շահեդ»-ների հարձակմանը։ Դնեպրոպետրովսկի շրջանային ռազմական վարչակազմի ղեկավար Սերգեյ Լիսակը հայտնել է երեք զոհերի մասին։ Նրա խոսքով՝ քաղաքի թաղամասերից մեկում տուն է բռնկվել, վնասվել են վարչական շենքեր։
Կիևի և Զապորոժիեի շրջանների իշխանությունները նույնպես հայտնել են անօդաչու սարքերի հարձակումների հետևանքով տուժածների և ավերածությունների մասին։
ՌԴ մայրաքաղաք Մոսկվայի քաղաքապետ Սերգեյ Սոբյանինն իր հերթին ապրիլի 3-ի երեկոյան հայտարարել է, որ հակաօդային պաշտպանության համակարգը ոչնչացրել է դեպի քաղաք թռչող անօդաչու։ «Գորգ» պլան է ներդրվել «Վնուկովով, «Դոմոդեդովո» և «Ժուկովսկի» օդանավակայաններում։ Նույն օրն ավելի վաղ Լիպեցկի շրջանի բնակիչները սոցցանցերում հայտնել էին առնվազն վեց անօդաչու թռչող սարքի հարձակման և ՀՕՊ համակարգերի աշխատանքի մասին։
Թարգմանությունը՝ Էմմա Չոբանյանի
