14.04.2025 | 22:08
Ադրբեջանցի հայտնի ակտիվիստը Բաքվի բանտից խնդրանքով դիմել է Նիկոլ Փաշինյանին
Ալիևը Եվրոպայում Ադրբեջանի բնական գազի պահանջարկի երաշխիքներ է պահանջում
Քաղաքականություն
04.04.2025 | 14:12
Ադրբեջանի նախագահ Իլհամ Ալիևը հայտարարել է, թե Բաքուն «մեծացնում է իր հիդրոէներգետիկ ներուժը սեփական ներդրումների միջոցով, հատկապես, Արևելյան Զանգեզուրի և Ղարաբաղի շրջաններում»։ Ադրբեջանական լրատվամիջոցների հաղորդմամբ՝ այս մասին նա ասել է Հարավային գազային միջանցքի խորհրդատվական խորհրդի 11-րդ և Կանաչ էներգիայի խորհրդատվական խորհրդի 3-րդ նախարարների հանդիպման ժամանակ։
«Կարելի է ասել, որ Ադրբեջանի՝ որպես գործընկերոջ դերը էներգետիկ անվտանգության ոլորտում միայն կաճի։ Ցանկանում եմ նշել, որ դրա արդյունքում հնարավոր կլինի խնայել հսկայական քանակությամբ բնական գազ, որն այժմ օգտագործվում է ներքին կարիքների համար և կուղարկվի արտահանման»,- ասել է Ալիևը։
Նա նաև հայտարարել է՝ Ադրբեջանը պետք է վստահ լինի, որ իր բնական գազը դեռ մի քանի տարի պահանջարկ կունենա Եվրոպայում։
«Եթե մենք նման երաշխիք չունենանք, ապա ո՛չ ընկերությունները, ո՛չ երկրները գումար չեն ներդնի: Այսպիսով, բնական գազի հսկայական դեֆիցիտ կլինի։ Իսկ մեր պաշարները հայտնի են, ակնկալում ենք նաև նոր հանքավայրերում արդյունահանման աշխատանքների սկիզբ»,- նշել է Ադրբեջանի նախագահը։
Ալիևը շեշտել է՝ այսօր Ադրբեջանը բնական գազ է մատակարարում 12 երկրների։ Դրանցից 10-ը եվրոպական երկրներ են, այդ թվում 8-ը՝ Եվրամիության անդամ։ Ադրբեջանի ղեկավարի խոսքով՝ Հարավային գազային միջանցքը ներկայում աշխատում է ամբողջ հզորությամբ։ Հարավկովկասյան գազատարը, TANAP-ը և TAP-ը այս միջանցքի երեք անբաժանելի մասն են:
«Դրանք աշխատում են ամբողջ հզորությամբ, և մենք պետք է ընդլայնենք դրանք», – ասել է Ալիևը՝ հավելելով, որ դրա համար անհրաժեշտ են միջոցներ։
Թարգմանությունը՝ Էմմա Չոբանյանի
