09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պուտինի ներկայացուցիչն և Թրամփի հատուկ բանագնացը հանդիպել են Վաշինգտոնում
Քաղաքականություն
03.04.2025 | 11:02
Ռուսաստանի ուղղակի ներդրումների հիմնադրամի ղեկավար, օտարերկրյա երկրների հետ ներդրումների և տնտեսական համագործակցության հարցերով ՌԴ նախագահ Վլադիմիր Պուտինի հատուկ ներկայացուցիչ Կիրիլ Դմիտրիևը Վաշինգտոնում հանդիպել է Մերձավոր Արևելքի հարցերով Դոնալդ Թրամփի հատուկ բանագնաց Սթիվ Ուիթկոֆի հետ, գրում է Reuters-ը։
«Նա ռուս ամենաբարձրաստիճան պաշտոնյան է, որն այցելել է ԱՄՆ՝ Ուկրաինա Ռուսաստանի լայնամասշտաբ ներխուժման մեկնարկից ի վեր»,- գրում է լրատվամիջոցը։
Ապրիլի 3-ի առավոտյան Դմիտրիևը X-ում հայտարարություն է տարածել Ռուսաստանի և ԱՄՆ-ի միջև երկխոսության կարևորության մասին։
«Ինչ էլ լինի քաղաքականությունը, ԱՄՆ-ի և Ռուսաստանի միջև երկխոսությունը կարևոր է: Խոսքը բոլորի համար ավելի ապահով, ավելի բարեկեցիկ աշխարհի կառուցման մասին է»,- գրել է նա։
Հավելենք՝ ավելի վաղ տեղեկություններ էին տարածվել, որ Դմիտրիևն այս շաբաթ կայցելի Վաշինգտոն՝ հանդիպելու Մերձավոր Արևելքի հարցերով Դոնալդ Թրամփի հատուկ բանագնաց Սթիվ Ուիթկոֆի հետ։
Դմիտրիևը ԱՄՆ պատժամիջոցների տակ է։ Այդ պատճառով ԱՄՆ կառավարությունը ժամանակավորապես չեղարկել է նրա նկատմամբ սահմանափակումները՝ թույլ տալու համար, որ Պետքարտուղարությանը նրան վիզա տրամադրի։
Թարգմանությունը՝ Էմմա Չոբանյանի
