04.04.2025 | 23:39
Հայաստանն ընտրվել է ՄԱԶԾ-ի, ՄԱԿ Բնակչության հիմնադրամի և ՄԱԿ Ծրագրերի իրականացման գրասենյակի գործադիր խորհրդի անդամ
Ալիևի օգնականը Իրանի նախագահի խորհրդականի հետ տարածաշրջանային հարցեր է քննարկել
Քաղաքականություն
01.04.2025 | 20:46
Ադրբեջանի նախագահի օգնական, աշխատակազմի արտաքին քաղաքականության բաժնի ղեկավար Հիքմեթ Հաջիևը հանդիպել է Իրանի նախագահի քաղաքական հարցերով խորհրդական Մեհդի Սանային, գրում են ադրբեջանական լրատվամիջոցները։
«Բաքվում հանդիպել ենք Իրանի Իսլամական Հանրապետության նախագահի քաղաքական հարցերով խորհրդական Մեհդի Սանայի հետ։ Հանդիպման ընթացքում մտքերի լայն փոխանակություն է տեղի ունեցել Ադրբեջանի և Իրանի միջև երկկողմ քաղաքական հարաբերությունների հարցերի շուրջ՝ երկու երկրների ղեկավարների հանձնարարականների համաձայն։ Նաև, ի շարունակություն բանակցությունների, որոնք տեղի էին ունեցել Իրան 2025 թվականի փետրվարին այցի ժամանակ, քննարկվել են փոխադարձ հետաքրքրություն ներկայացնող միջազգային և տարածաշրջանային հարցեր»,- նշել է Հաջիևը սոցցանցում արված հրապարակման մեջ։
Հիշեցնենք, որ Իրանի նախագահի խորհրդականն այսօր ավելի վաղ հանդիպել էր Ադրբեջանի նախագահ Իլհամ Ալիևին։
Թարգմանությունը՝ Էմմա Չոբանյանի
