08.09.2026 | 18:58
Թրամփն ու Պուտինը մեկժամյա հեռախոսազրույց են ունեցել
Թրամփը հայտարարել է, որ Իլոն Մասկի DOGE-ը որոշակի պահից կդադարի գոյություն ունենալ
Քաղաքականություն
01.04.2025 | 14:24
ԱՄՆ նախագահ Դոնալդ Թրամփը հայտարարել է, որ «ինչ-որ պահի» Կառավարության արդյունավետության դեպարտամենտը՝ DOGE-ը կդադարի գոյություն ունենալ, իսկ Իլոն Մասկը որպես կառավարության հատուկ աշխատակից իրեն հասանելի է միայն 130 օրով, գրում է CNN-ը։
«Նա մեծ ընկերություն ունի ղեկավարելու, և ինչ-որ պահի նա կվերադառնա։ Ես կպահեմ նրան այնքան ժամանակ, քանի դեռ կարող եմ պահել։ Նա շատ տաղանդավոր տղա է։ Գիտեք՝ ես սիրում եմ շատ խելացի մարդկանց, նա շատ խելացի է, և նա լավ աշխատանք է կատարել։ Ինչ-որ պահի Իլոնը կցանկանա վերադառնալ իր ընկերություն»,- ասել է Թրամփը Tesla-ի և SpaceX-ի գործադիր տնօրեն Իլոն Մասկի մասին:
Հարցին՝ արդյո՞ք DOGE-ը կշարունակի գործել Մասկի բացակայության դեպքում, Թրամփը պատասխանել է, որ կարծում է՝ դաշնային գործակալության ղեկավարները «շատ բան են սովորել», և ոմանք կցանկանան DOGE-ի աշխատակիցներին պահել իրենց մոտ։
«Կարծում եմ՝ ինչ-որ պահի դա կավարտվի»,- ասել է Թրամփը:
Ըստ CNN-ի՝ DOGE-ի գործունեության սկզբից ի վեր, մարտի վերջի դրությամբ՝ ավելի քան 121,000 մարդ աշխատանքից ազատվել է դաշնային գործակալություններից։
Հավելենք, որ Մասկը Կառավարության արդյունավետության դեպարտամենտի ղեկավարի պաշտոնը ստանձնել է այն բանից հետո, երբ Թրամփը դարձավ ԱՄՆ 47-րդ նախագահը։
Թարգմանությունը՝ Էմմա Չոբանյանի
