01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
Ապրիլից մոտ 55 հազար արցախցու աջակցություն դադարեցվելու է, 45 հազարինը` կրճատվելու. Արտակ Բեգլարյան․ ՏԵՍԱՆՅՈՒԹ
Հասարակություն
31.03.2025 | 14:47
«Իմ տեղեկություններով մոտ 100 հազար անձ հիմա ստանում է բնակվարձի աջակցություն և ապրիլից իրենք ամբողջապես կտրելու են մոտ 55 հազար քաղաքացիների աջակցությունը, իսկ 45 հազարը ստանալու են ավելի քիչ աջակցություն»,- աշխատանքի և սոցիալական հարցերի նախարարության դիմաց կազմակերպած ակցիայի ժամանակ ասաց «Արցախի ժողովրդի շահերի ու իրավունքների պաշտպանության միություն» ՀԿ նախագահ Արտակ Բեգլարյանը։
«Մենք ավելի շատ ոչ թե բնակվարձի ծրագրի համար ենք պայքարում, այլ մենք պայքարում ենք, որ արժանապատիվ, կայուն, արդյունավետ բնակարանային ծրագիր գործի։ Իրենք բնակվարձի աջակցությունը կտրում են շատեր համար հենց այս պահին, մնացածի համար հուլիսից կամ դեկտեմբերից, բայց ասում են, որ արցախցիների մի զգալի տոկոսը կարող է դիմել բնակարանային ծրագրին այս հուլիսի մեկից, մյուս տոկոսը կարող է դիմել 2026 թվականի հուլիսի մեկից։ Այսինքն, այս մարդկանց բնակվարձի ծրագիրը լրիվ կրճատում են, բայց թույլ չեն տալիս, որ իրենք դիմեն բնակարանային ծրագրին։ Այս խնդիրները հաշվի չեն առել և մեր ահազանգերն էլ չեն ընդունել»,- նշում է Բեգլարյանը։
Մանրամասները՝ տեսանյութում։
