13.01.2026 | 14:00
Կաշկանդված չենք քննադատել Սոլովյովի հայտարարությունը․ Իշխան Սաղաթելյան․ ՏԵՍԱՆՅՈՒԹ
Թրամփի առևտրային պատերազմը պետք է «Եվրոպային անկախության մղի»․ եվրոպական Կենտրոնական բանկի նախագահ
Քաղաքականություն
31.03.2025 | 18:19
Եվրոպական Կենտրոնական բանկի նախագահ Քրիստին Լագարդը հայտարարել է, որ Եվրոպան պետք է շարժվի դեպի տնտեսական անկախություն, քանի որ ԱՄՆ նախագահ Դոնալդ Թրամփը պատրաստվում է մաքսատուրքերի նոր ալիք սահմանել, գրում է AFP-ն։
Թրամփը խոստացել է չորեքշաբթի պատասխան մաքսատուրքեր սահմանել առևտրային գործընկերների լայն շրջանակի համար, որը նա անվանել է «Ազատագրման օր»՝ ասելով, որ աշխարհի առաջատար տնտեսությունը «թալանվել է աշխարհի բոլոր երկրների կողմից»:
Լագարդը France Inter ռադիոկայանի հետ զրույցում ասել է, որ Եվրոպան բախվում է «էկզիստենցիալ պահի»:
«Նա ԱՄՆ-ում դա անվանում է «Ազատագրման օր»: Ես դա համարում եմ պահ, երբ մենք պետք է միասին որոշենք՝ ավելի մեծ վերահսկողություն հաստատել մեր ճակատագրի վրա, և ես կարծում եմ, որ դա քայլ է դեպի անկախություն։ Որպեսզի կարողանանք արդյունավետ բանակցություններ վարել, մենք պետք է ցույց տանք, որ մենք պարզապես չենք հանձնվելու», – ասել է նա՝ հավելելով, որ Եվրամիությունը պատասխան է պատրաստում ԱՄՆ-ի մաքսատուրքերին:
ԵԿԲ-ն գնահատում է, որ Թրամփի առևտրային պատերազմը կարող է առաջին տարում կրճատել եվրոգոտու տնտեսությունը 0,3 տոկոսով, և 0,5 տոկոսով, եթե ԵՄ-ն պատասխան միջոցներ ձեռնարկի:
«Առևտրային պատերազմը միայն պարտվողներ է ստեղծում»,- ասել է Լագարդը։
Թարգմանությունը՝ Էմմա Չոբանյանի
