07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ՆԳՆ-ն պատրաստվում է ձեռք բերել էլեկտրամոբիլների լիցքավորման ծառայություն. հայտարարություն
Տնտեսություն
27.03.2025 | 23:11
ՆԳՆ ոստիկանության պարեկային ծառայության արդիականացման շրջանակներում Ներքին գործերի նախարարությունը ձեռք է բերել էլեկտրամոբիլներ, որոնք լիցքավորվում են CCS2 տեսակի լիցքավորման սարքերով։ Գերատեսչությունից տեղեկացնում են, որ ՆԳՆ-ն պատրաստվում է ձեռք բերել էլեկտրամոբիլների լիցքավորման ծառայություն։
«Պարեկային ծառայության աշխատանքներն առավել արդյունավետ կազմակերպելու նպատակով Ներքին գործերի նախարարությունը պատրաստվում է ձեռք բերել էլեկտրամոբիլների լիցքավորման ծառայություն՝ նախնական երեք ամիս ժամկետով, ինչով պայմանավորված դիմում է բոլոր այն կազմակերպություններին, որոնք մատուցում են այդպիսի ծառայություններ և կարող են բավարարել հետևյալ նվազագույն պահանջներին.
– միակցիչի տեսակը՝ CCS2,
– լիցքավորիչները տեղակայված լինեն Երևան քաղաքում,
– սարքի յուրաքանչյուր CCS2 միակցիչը նվազագույնը 80 կվ հզորությամբ,
– կազմակերպությունն ունենա վճարային համակարգի քարտային կամ կենտրոնացված ձևաչափ։
Վերը նշված պայմաններին համապատասխանող կազմակերպությունները կարող են դիմել ՆԳՆ տնտեսական վարչություն. հեռ. 010 59-60-07, էլ. հասցե` [email protected]»,- ասված է հաղորդագրության մեջ:
