27.06.2026 | 11:42
Ուկրաինան հրթիռային հարված է հասցրել «Օրեշնիկ» արտադրող գործարանին
Ուսանողին ի՞նչն ա խանգարում հեծանիվով գալ դասի․ ջիպերի, ռենջ ռովերների տրամաբանությունը պիտի փոխենք․ Փաշինյան․ ՏԵՍԱՆՅՈՒԹ
Տեսանյութեր
27.03.2025 | 13:10
ՄԿՈւ-ում և բուհում սովորողը, աշխատողը կստանան աջակցություն, եթե որպես փոխադրամիջոց նախընտրի հեծանիվը։ ՀՀ կառավարության այսօրվա նիստի ժամանակ ընդունվեց «Հանրության շրջանում առողջ ապրելակերպի խրախուսման և երթևեկության այլընտրանքային ձևերի խթանման միջոցառումը հաստատելու մասին» որոշման նախագիծը։
Նշվում է, որ Հայաստանը բնակչության կանոնավոր ֆիզիկական ակտիվության առումով հետ է մնում զարգացող երկրներից, որտեղ ֆիզիկական կուլտուրայով զբաղվում է բնակչության ավելի քան 40-50%-ը:
«Այս որոշման նախագծով մենք այն ուսանողներին և դասախոսներին, ովքեր դիտարկում են կամ պատրաստում են դիտարկել հեծանիվով գնալ դասի և վերադառնալ տուն կամ հեծանիվն օգտագործել որպես տրանսպորտային միջոց, աջակցում ենք այդ նպատակով վերցրած վարկի տոկոսի սուբսիդավորման ձևով՝ տարեկան 16 տոկոս։ Ասում են՝ քաղաքային իշխանությունները ինչո՞ւ հեծանվային ուղիներ չեն ստեղծում, բայց դրա ռեալ պահանջարկը չկա։ Քաղաքային իշխանությունը պետք ա տեսնի, որ էնքան հեծանիվ կա, որ արդեն պրոբլեմ ա։ Ուսանողին ի՞նչն ա խանգարում՝ նստել հեծանիվ, գալ դասի, հետ գնալ իր տուն․ շատ պարզ հարց ա։ Ես անձամբ հեծանիվով Երևանի բոլոր «անմատչելի» տարածքներն անցել եմ»,- ասաց Նիկոլ Փաշինյանը։
Մանրամասները՝ տեսանյութում։
