05.11.2026 | 15:23
Հարի Քեյնը նոր պայմանագիր կնքեց «Բավարիայի» հետ. ՏԵՍԱՆՅՈՒԹ
Որևէ դուրսպրծուկ, եթե ընտրողի կամքին բռնանա, կհայտնվի ասֆալտին. Փաշինյանը`տարածված ձայնագրության մասին. ՏԵՍԱՆՅՈՒԹ
Քաղաքականություն
26.03.2025 | 18:40
«Որևէ դուրսպրծուկ չի կարող ՀՀ ընտրողի կամքին բռնանալ։ Եթե որևէ դուրսպրծուկ փորձի ՀՀ քաղաքացու ընտրության կամքին բռնանալ, շատ արագ կհայտնվի ասֆալտին, ամենաարագը ըտեղ ա։ Մնացածը թող գյումեցիները որոշեն», – այս մասին ԱԺ-Կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը՝ անդրադառնալով Գյումրիի՝ քաղաքապետի թեկնածու Վարդան Ղուկասյանի մասնակցությամբ ենթադրյալ ձայնագրությանը։
Վարչապետը նաև նշեց, թե երաշխավորում է՝ և՛ գյումրեցիները, և՛ փարաքարցիները իրենց կամքն ազատ արտահայտելու հնարավորություն կունենան։
Նշենք, որ «Անկախ դիտորդը» այսօր հանցագործության մասին հաղորդում է ներկայացրել Դատախազություն՝ պահանջելով քննել Վարդան Ղուկասյանի ենթադրյալ մասնակցությամբ ձայնագրությունը։
Հիշեցնենք, որ Factor TV-ն այսօր անդրադարձել էր վերոնշյալ թեմային․ «Պահ-պահ-պահ, էդ ինչ ձայնագրություն ա, հիմի մարդու ձենով ինչ ասես կարան տարածեն»,- անդրադառնալով համացանցում տարածված աղմկահարույց ձայնագրությանը՝ Factor TV-ի հետ հեռախոսազրույցում ասել էր Գյումրիի համայնքապետի թեկնածու Վարդան Ղուկասյանը։
