08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մասնավորին հանձնեք պետական չօգտագործվող գույքը. Խաչատուր Սուքիասյանը` Փաշինյանին․ ՏԵՍԱՆՅՈՒԹ
26.03.2025 | 18:22
ՀՀ-ի գույքի կառավարման համակարգի ներքո 400 միլիարդից ավելի գույք կա կուտակված, որի մի մասը չի օգտագործվում, ոչ էլ վարձով է տրվում, այս մասին ԱԺ-Կառավարություն հարցուպատասխանի ժամանակ ասաց ՔՊ պատգամավոր Խաչատուր Սուքիասյանը։ Նա նշեց, որ երբ գույքը չի օգտագործվում, տնտեսությանը վնաս է, և պետք է քննարկման առարկա դարձնել այն, թե ինչու պետական գույքը չի օգագործվում։ Պատգամավորն առաջարկեց պետական չօգտագործվող գույքը հանձնել մասնավորին։
Փաշինյանն արձագանքեց, որ Հանրապետության հրապարակում կա այդպիսի շենք, և կառավարությունը փորձում է ներդրումային տրամաբանության մեջ դնել, բայց այդպես էլ չի ստացվում։
«Մենք խնդիր ունենք, որ ասենք Երևանի կենտրոնում գտնվող համալիրն էլ դրվել է մասնավորեցման կամ հետաքրքություն չի ցուցաբերվել: Կոնկրետ ունենք իրավիճակներ, երբ մենք մի սխեմայով փորձ էինք անում դա դնել մասնավորեցման, բայց որոշակի քննադատություններ եղան մասնավորեցման այն սխեմայի վերաբերյալ, որ Կառավարությունը մտածում էր անել, այդ սխեման փոխեցինք, մասնավորեցումը տեղի ունեցավ, բայց հիմա ճգնաժամ է առաջացել և մեծ հավանականությամբ այդ մասնավորեցման արդյունքում առաջացած ճգնաժամի լուծմամբ պետք է զբաղվենք: Բայց ուզում եմ ասել նաև, որ 2024 թվականին պետական գույքի կառավարման փողով պետական բյուջեի եկամուտներն էականորեն աճել են, մոտավորապես 20 միլիարդ դրամի եկամուտ ենք ունեցել»,- ընդգծեց Փաշինյանը։
Մանրամասները՝ տեսանյութում։
