07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ստամբուլի քաղաքապետի պաշտոնակատար է ընտրվել
Քաղաքականություն
26.03.2025 | 18:30
Ստամբուլի ընդդիմադիր քաղաքապետ Էքրեմ Իմամօղլուի կալանավորումից հետո քաղաքային խորհուրդն այսօր քաղաքապետի պաշտոնակատար է ընտրել։ Թուրքական լրատվամիջոցները հայտնում են, որ այդ պաշտոնում գլխավոր ընդդիմադիր Ժողովրդահանրապետական կուսակցությունն առաջադրել է Իմամօղլուի տեղակալ Նուրի Ասլանի թեկնածությունը։ Իշխող ԱԶԿ-ի թեկնածուն եղել է Զեյնել Աբիդին Օքուլը։
Քաղաքային խորհրդի նիստում ժամանակավոր պաշտոնակատար է ընտրվել Նուրի Ասլանը, որը քվեարկության 3-րդ փուլում ստացել է 177 ձայն, Զեյնել Աբիդին Օքուլը՝ 125 ձայն։
314 անդամից բաղկացած քաղաքային խորհրդում մեծամասնություն ունի ընդդիմադիր Ժողովրդահանրապետական կուսակցությունը՝ 185 մանդատով։ Թուրքիայի նախագահ Էրդողանի ղեկավարած իշխող «Արդարություն և զարգացում» կուսակցությունը (AKP) ունի 120 մանդատ, «Ազգայնական շարժում» կուսակցությունը (MHP)՝ վեց, «Մեծ միասնություն» կուսակցությունը՝ երկու մանդատ, խորհրդում նաև մեկ անկախ անդամ կա։
Թարգմանությունը՝ Էմմա Չոբանյանի
