06.10.2026 | 15:29
Դատական նիստում հայհոյելու գործով Վարդան Ղուկասյանն արդարացվել է, որդու արարքը՝ վերաորակվել
Ղարաբաղյան շարժումը մենք չպիտի շարունակենք․ Փաշինյան․ ՏԵՍԱՆՅՈՒԹ
Քաղաքականություն
26.03.2025 | 17:30
«Ես առանց սեթևեթանքի ուզում եմ հստակ և աներկբա ասել՝ կարծում եմ, որ մենք Ղարաբաղյան շարժումը չպիտի շարունակենք: Այն խաղաղությունը, որի ճանապարհով մենք գնում ենք, գերիների հարցի լուծման ամենաէֆեկտիվ ճանապարհն է: Պարզապես, ավելի էֆեկտիվ ճանապարհ գոյություն չունի»,- այս մասին ԱԺ-Կառավարություն հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը:
Հարցուպատասխանի ժամանակ հարց հնչեցնող ընդդիմադիր պատգամավոր Լիլիթ Գալստյանը հարցրեց գերիների վերադարձի հետ կապված։ Փաշինյանը պատասխանեց, որ Ադրբեջանում գտնվող գերիների վերադարձի հետ կապված նոր բան չունի ասելու։
«Այն գործիքակազմերը, որոնք նախկինում կիրառել ենք, այսօր էլ շարունակում ենք կիրառել, ապագայում էլ պիտի կիրառենք։ Դա շատ կարևոր հարց է, որը մեզ անհանգստացնում է որպես հումանիտար և քաղաքական հարց»,- նշեց Փաշինյանը։
Պատգամավորի հարցադրումներին ի պատասխան վարչապետը հավաստիացրեց, որ խաղաղության համաձայնագրի նախագծում չկա գեթ մի նախադասություն, որը պարտավորություն է առաջացնում ՀՀ-ի համար և պարտավորություն չի առաջացնում Ադրբեջանի համար։ Ըստ նրա՝ այդպիսի որևէ բառ կամ նախադասություն գոյություն չունի։
Մանրամասները՝ տեսանյութում։
