09.08.2026 | 18:10
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Սաուդյան Արաբիայում մեկնարկել է ԱՄՆ-ՌԴ բանակցությունների հերթական փուլը
Քաղաքականություն
24.03.2025 | 11:59
Սաուդյան Արաբիայի մայրաքաղաք Էր Ռիադում մեկնարկել են ԱՄՆ-ի և ՌԴ-ի պատվիրակությունների բանակցությունները ուկրաինական հակամարտության կարգավորման հարցով։ Այս մասին ՏԱՍՍ-ին հայտնել է ռուսական պատվիրակությանը մոտ կանգնած աղբյուրը։
Ռուսական պատվիրակությունն ավելի վաղ ժամանել է The Ritz-Carlton հյուրանոց։ Սաուդյան Արաբիայի պետական անվտանգության ծառայության աշխատակիցները լրագրողներին խնդրել են հեռանալ հյուրանոցի տարածքից։
Ավելի վաղ ՌԴ նախագահի օգնական Յուրի Ուշակովը հայտնել էր, որ բանակցությունները նվիրված են լինելու, այսպես կոչված, սևծովյան նախաձեռնության հնարավոր վերսկսկմանը՝ կապված «Սև ծովի ջրերում նավարկության անվտանգության հետ»։ Ռուսական պատվիրակությունն Էր Ռիադում ներկայացնում են ՌԴ Դաշնության խորհրդի միջազգային հարաբերությունների հանձնաժողովի ղեկավար Գրիգորի Կարասինը և ԱԴԾ տնօրենի խորհրդական Սերգեյ Բեսեդան։
Հիշեցնենք, որ նախօրեին Ռիադում կայացել էին ԱՄՆ-ի և Ուկրաինայի պատվիրակությունների բանակցությունները։
Թարգմանությունը՝ Էմմա Չոբանյանի
