17.07.2026 | 18:30
Ռուսական շուկայի կրճատում, ԵՄ նոր հեռանկար․ ինչպե՞ս է փոխվում արտահանման աշխարհագրությունը
«30 տարվա օկուպացիայից հետո Ղարաբաղի ազատագրմամբ տարածաշրջանում նոր դարաշրջանի դռներ ենք բացել». Էրդողան
Քաղաքականություն
21.03.2025 | 19:59
Շուրջ 30 տարվա օկուպացիայից հետո Ղարաբաղի ազատագրումը նոր էջ է բացել տարածաշրջանում։ Այս մասին Թուրքիայի նախագահ Ռեջեփ Թայիփ Էրդողանը հայտարարել է Նովրուզի տոնի կապակցությամբ կազմակերպված միջոցառմանը։
Նա նշել է, թե որպես թուրքական աշխարհ՝ ամենամեծ երաշխիքն իրենց մեր միասնությունն ու համերաշխությունն է, նաև հայտարարել, որ վերջին տարիներին ձեռնարկած համատեղ քայլերի շնորհիվ հասել են այնպիսի վայրեր, որոնք նախկինում աներևակայելի էին։
«Մենք ամրապնդել ենք մեր համագործակցությունը բոլոր ոլորտներում՝ էներգետիկայից մինչև առևտուր, անվտանգությունից մինչև կրթություն, զբոսաշրջությունից մինչև հաղորդակցություն: Ամենադժվար պահերին մենք միմյանց կողքին էինք, միասին կիսել ենք մեր ուրախությունները։ 30 տարվա օկուպացիայից հետո Ղարաբաղի ազատագրմամբ մենք տարածաշրջանում դեպի նոր դարաշրջանի դռներ ենք բացել»,- ասել է Թուրքիայի նախագահը։
Թարգմանությունը՝ Էմմա Չոբանյանի
