06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
Մոսկվան սպասում է Հայաստանի և Ադրբեջանի ղեկավարներին մայիսի 9-ի տոնակատարություններին
Քաղաքականություն
20.03.2025 | 21:07
Ռուսաստանն ակնկալում է, որ Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը կմասնակցեն մայիսի 9-ին Մոսկվայում կայանալիք միջոցառումներին, լայնածավալ նախապատրաստական աշխատանքներ են ընթանում, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք միայն ողջունում ենք, սպասում ենք և՛ Ադրբեջանի, և՛ Հայաստանի ղեկավարներին։ Մենք միայն ուրախ ենք տեսնել այն երկրների ղեկավարներին, որոնք հրավերներ են ստացել և հաստատել իրենց մասնակցությունը»,- ասել է Զախարովան:
Նա նշել է, որ «Ադրբեջանի և Հայաստանի ժողովուրդների հարյուր հազարավոր ներկայացուցիչներ հերոսաբար և մեծ մասշտաբով մասնակցել են Հայրենական մեծ պատերազմի բոլոր նշանակալի գործողություններին, նրանց մոտավորապես կեսը չի վերադարձել ռազմաճակատից»։
Թարգմանությունը՝ Էմմա Չոբանյանի
