18.09.2026 | 15:27
Հովակիմյանը` ՌԴ-ի կողմից ընտրությունների արդյունքները չճանաչելու մասին․ ՏԵՍԱՆՅՈՒԹ
Բջնի գյուղի մոտակա անտառում բռնկված հրդեհը 6 օր անց մարվել է
02.10.2018 | 12:07
Հոկտեմբերի 2-ին՝ ժամը 09:49-ինմ Բջնի գյուղի մոտակա անտառում բռնկված հրդեհը մարվել է. տեղեկացնում է ՀՀ ԱԻՆ-ը:
Հիշեցնենք, որ դեռևս սեպտեմբեր 26-ին, ժամը 11:11-ին «911» ծառայությանն ահազանգ էր ստացվել, որ հրդեհ է բռնկվել Կոտայքի մարզի Բջնի գյուղի մոտակա անտառում:
Ժամը 11:13-ին կապ էր հաստատվել Արզականի անտառտնտեսության անտառապետի հետ, ով հայտնել էր, որ հրշեջ-փրկարարների օգնության կարիքը չկա. հրդեհը վերահսկվում է անտառտնտեսության աշխատակիցների կողմից:
Ժամը 11:16-ին տեղեկություն էր հաղորդվել, որ հրդեհը տարածվել է, անհրաժեշտ է հրշեջ-փրկարարների օգնությունը:
Դեպքի վայր էին մեկնել ՀՀ ԱԻՆ ՓԾ հրշեջ-փրկարարական ջոկատից երկու մարտական հաշվարկ և հրշեջ-փրկարարական ջոկատի օպերատիվ խումբը:
Դեպքի վայրում 19 հրշեջ-փրկարար և Արզականի անտառտնտեսության 14 աշխատակից իրականացրել էին հրդեհաշիջման աշխատանքներ:
Հրդեհը մեկուսացվել էր ժամը 22:11-ին: Այրվել են 10 հա բուսածածկույթ և 2 հա անտառածածկ տարածք:
Ժամը 22:20-ից սահմանվել էր հերթապահություն (մեկ մարտական հաշվարկ):
