30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
ՌԴ-ն գիշերը 171 ԱԹՍ-ներով հարվածներ է հասցրել Ուկրաինային. վիրավորներ կան
Քաղաքականություն
20.03.2025 | 13:19
Ռուս զինվորականները գիշերը անօդաչու թռչող սարքերով հարվածներ են հասցրել Ուկրաինայի Կիրովոգրադի շրջանում գտնվող Կրոպիվնիցկի բնակավայրին։ Առնվազն ութ մարդ, այդ թվում՝ մեկ երեխա, տուժել է, հայտնում են փրկարարները, փոխանցում է Current time-ը։
Շրջանային ռազմական վարչակազմի ղեկավար Անդրեյ Ռայկովիչը հայտնել է երեք հոսպիտալացվածի մասին։ Նրանցից մեկի վիճակը ծանր է՝ մարմնի մակերեսի 90 տոկոս այրվածքներ ունի։ Արտակարգ ծառայությունների տվյալներով՝ քաղաքի մի քանի հատվածներում վնասվել են բնակելի շենքեր և քաղաքացիական ենթակառուցվածքներ։
Ռազմական վարչակազմը հայտնել է, որ Կրոպիվնիցկին ենթարկվել է վերջին տարիների ռուսական ամենազանգվածային հարձակման: Կիրովոգրադի ղեկավար Անդրեյ Ռայկովիչի խոսքով՝ ավելի քան 20 անօդաչու թռչող սարքեր են հարվածել քաղաքին։ Դրանք, մասնավորապես, ընկել են Միրա փողոցում։ Տեղի լրատվամիջոցները հայտնում են, որ հարձակման ընթացքում քաղաքում տասնյակ հզոր պայթյուններ են լսվել, ինչից հետո հրդեհներ են սկսվել։
Բացի այդ, երկաթուղային ենթակառուցվածքն է վնասներ կրել։
Ընդհանուր առմամբ, ռուս զինվորականները գործարկել են 171 «Շահեդ» տիպի հարձակողական անօդաչու թռչող սարք, հայտնում են Ուկրաինայի ռազմաօդային ուժերը։ Նշվում է, որ 75 ԱԹՍ խոցվել է, ևս 63-ի «գտնվելու վայրը կորցրել են՝ առանց բացասական հետևանքների»։
Հարձակման հետևանքով տուժել են Կիրովոգրադի, Սումիի և Դոնեցկի շրջանները։
Թարգմանությունը՝ Էմմա Չոբանյանի
