20.03.2026 | 23:39
Կիևը Մերձավոր Արևելք ռազմական խմբեր է ուղարկել՝ ԱԹՍ-ներ որսալու համար
Ուրիշի գործառույթը վերցրել եք՝ փող չունենալով․ ընդդիմադիր պատգամավորը՝ Հակոբ Սիմիդյանին․ ՏԵՍԱՆՅՈՒԹ
Տեսանյութեր
19.03.2025 | 16:17
«Հաշվի առնելով 2024 թվականի հորդառատ անձրևների հետևանքով Տավուշի մարզի Դիլիջան համայնքի Հաղարծին բնակավայրում Աղստև գետի վարարումից առաջացած հետևանքները՝ Կառավարությունը մշակել է նախագիծ, որով կսահմանվի գետերի հուների, ջրաբերուկների և կենցաղային աղբից մաքրման կարգը»,- այս մասին ԱԺ տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովում հայտնեց ՀՀ շրջակա միջավայրի նախարարի տեղակալ Տիգրան Գաբրիելյանը:
Նրա խոսքով՝ կառավարությունն առաջարկում է սահմանել «ջրօգտագործման թույլտվություն» հասկացությունը, կսահմանվի նաև ջրօգտագործողի կողմից լիազոր մարմնին ջրօգտագործման թույլտվություն ներկայացնելու պահանջը:
«Օրինագծով նախատեսվում է Կառավարությանը տալ լիազորող նորմ՝ ջրային ռեսուրսի հունը կենցաղային աղբից, ջրաբերուկներից և բնական հոսքը խոչընդոտող այլ օբյեկտներից մաքրման կարգի սահմանման համար, ինչպես նաև հստակեցնել մի քանի այլ նորմեր»,- հավելեց փոխնախարարը։
ՀՀ շրջակա միջավայրի նախարար Հակոբ Սիմիդյանը նշեց, որ օրենքի նախագիծն ուղղված է գետերի ռիսկային հատվածների ճիշտ կառավարմանը: «Առաջարկվող փոփոխությունները հիմնականում տեխնիկական բնույթի են. դրանք արվում են, որպեսզի որևէ գետի մաքրման դեպքում թե՛ համայնքը, թե՛ այլ պետական մարմինը չկանգնեն հավելյալ բարդությունների առաջ»,- ներկայացրեց նախարարը։
Ընդդիմադիր պատգամավոր Արման Ղազարյանն իր դիտարկումները ներկայացնելով օրինագծի վերաբերյալ՝ ընդգծեց, որ գետերի հուների մաքրման հարցով պետք է զբաղվի Ջրային կոմիտեի ենթակայության տակ գտնվող «Մելորացիա» ՓԲԸ-ն, որին պետբյուջեից գումար է հատկացվում այդ գործառույթի համար։ Պատգամավորը, դիմելով Սիմիդյանին, ասաց, որ նախարարությունն ուրիշի գործառույթը վերցնում է իր վրա, որի համար գումար չունի։
Մանրամասները՝ տեսանյութում։
