19.02.2026 | 10:20
Հունաստանում փոխըմբռնման հուշագիր է ստորագրվել թվայնացման և բարձր տեխնոլոգիաների ոլորտում համագործակցության մասին
Եվրոպական մի շարք երկրներ ԵՄ-ին Ուկրաինայի անդամակցությունն արագացնելու կոչ են անում
Քաղաքականություն
19.03.2025 | 13:40
Եվրամիությունը պետք է անհապաղ հստակ ճանապարհային քարտեզ մշակի, որպեսզի Ուկրաինան դառնա դաշինքի լիիրավ անդամ։ Ըստ POLITICO-ի՝ համատեղ նամակում Շվեդիայի, Ֆինլանդիայի, Դանիայի, Լատվիայի, Լիտվայի և Էստոնիայի բարձրաստիճան դիվանագետները Բրյուսելին կոչ են արել պատրաստել «կոնկրետ առաջարկներ, թե ինչպես վճռականորեն առաջ տանել Ուկրաինայի անդամակցության գործընթացը»:
Սա տեղի է ունենում այն ժամանակ, երբ եվրոպական երկրները փորձում են աջակցել Կիևին՝ ԱՄՆ նախագահ Դոնալդ Թրամփի և նրա վարչակազմի հետ խորացող տարաձայնությունների պայմաններում:
«Վերահաստատելով մեր լիակատար և միանշանակ հավատարմությունը ԵՄ-ին Ուկրաինայի անդամակցության հեռանկարներին՝ մենք կոչ ենք անում արագացնել անդամակցության գործընթացը»,- ասված է հայտարարության մեջ՝ հավելմամբ, որ եկել է այդ ուղղությամբ հավակնոտ ու արդյունավետ լուծումների ժամանակը։
Մինչ Եվրաանձնաժողովի նախագահ Ուրսուլա ֆոն դեր Լեյենը հրապարակավ առաջարկել է, որ Ուկրաինան կարող է միանալ դաշինքին մինչև 2030 թվականը, ստորագրողներն այժմ ցանկանում են քայլեր ձեռնարկել՝ համոզվելու համար, որ դա իրականում տեղի կունենա:
Թարգմանությունը՝ Էմմա Չոբանյանի
