05.07.2026 | 16:43
Կրեմլը մանրամասներ է հայտնել Պուտինի և Թրամփի հեռախոսազրույցի բովանդակությունից
Փաշինյանն արտահերթ ընտրությունների է գնալու,Գյումրիում պարտվելու է. Աղազարյան. ՏԵՍԱՆՅՈՒԹ
Քաղաքականություն
19.03.2025 | 13:24
«Պարոն Փաշինյանի նպատակն ինձ մանդատից զրկելն է, և դրա համար կա շատ գեղեցիկ, ռեալ ճանապարհ»,- լրագրողների հետ զրույցում խոսելով իր դեմ հարուցված քրեական գործից՝ ասաց ՔՊ խմբակցությունից հեռացված Հովիկ Աղազարյանը։
«Գյումրիի ընտրություններում ՔՊ-ն պարտություն է կրում, և վարչապետը գնում է արտահերթ ընտրությունների, հետևաբար, բոլորը՝ այդ թվում նաև ես, զրկվում ենք մանդատից»,- կարծիք հայտնեց Աղազարյանը։
Թե ինչ հիմքով է ասում, որ ՔՊ-ն կպարտվի՝ պատգամավորը չպարզաբանեց։ Աղազարյանը միայն կարծիք հայտնեց, որ Փաշինյանի ռեյտինգը որոշ դեպքերում ցածր է, բայց եղածների մեջ ամենաբարձրն է։
Նա պնդեց, որ իր դուրս գալը կուսակցության ռեյտնիգի վրա ազդել է և այն նվազել է 1 տոկոսի չափով։
Աղազարյանը նշեց, որ իրեն քաղաքական հետապնդման չեն ենթարկում, այլ՝ քաղաքական ճնշումներ։ «Մանդատը վայր չդրեցի, և պարոն վարչապետն ու քաղաքական թիմը գտնում են, որ դա իշխանության հեղինակությանը հարված է,- ասաց նա ՝ հայտարարելով, որ եթե իրեն «խելոք չպահի» և չենթարկվի քննիչների պահանջներին, բնականաբար, բանը կալանքին էլ կհասնի։- Բայց կալանքը որպես ճնշում ինձ վրա ազդեցություն չի ունենա։ Ես 63 տարեկան եմ, և այնպես չէ, որ իմ ապրած կյանքի վրա խաչ քաշեմ»։
Մանրամասները` տեսանյութում։
