08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփը հայտարարել է, որ Պուտինի հետ զրույցում Ուկրաինային ռազմական օգնություն տրամադրումը չի քննարկվել
Քաղաքականություն
19.03.2025 | 12:45
ԱՄՆ նախագահ Դոնալդ Թրամփը հայտարարել է, որ Ուկրաինային տրամադրվող օգնությունը չի քննարկվել երեքշաբթի ՌԴ նախագահ Վլադիմիր Պուտինի հետ իր հեռախոսազրույցում։ Այս մասին գրում է Reuters-ը։
Նշվում է, որ Կրեմլը հայտնել է, թե Ռուսաստանի առաջնորդը կոչ է արել դադարեցնել ռազմական օգնությունը Կիևին:
«Մենք հիանալի զրույց ունեցանք, այն տևեց գրեթե երկու ժամ։ Մենք խոսեցինք շատ բաների մասին, բայց չենք քննարկել օգնությունը»,- ասել է Թրամփը Fox News-ի հետ հարցազրույցում։
Բացի այդ, նա ասել է, որ Ռուսաստանն այժմ առավելություն ունի ռազմական գործողություններում, քանի որ նրա զորքերը շրջապատել են մոտ երկուսուկես հազար ուկրաինացի զինվորի։
Հիշեցնենք՝ նախօրեին Թրամփ-Պուտին հեռախոսազրույցից հետո Կրեմլի մամուլի ծառայության տարածած հայտարարության մեջ ասվում է, որ Պուտինը «պահանջել է ամբողջությամբ դադարեցնել օտարերկրյա ռազմական օգնությունը և Կիևին հետախուզական տեղեկատվության տրամադրումը»՝ որպես «հակամարտության խաղաղ կարգավորման առանցքային պայման»։
Ավելի վաղ էլ ԱՄՆ նախագահ Դոնալդ Թրամփը շատ արդյունավետ էր գնահատել Վլադիմիր Պուտինի հետ իր հեռախոսազրույցը:
Թարգմանությունը՝ Էմմա Չոբանյանի
