09.06.2026 | 00:17
Մարկո Ռուբիոն շնորհավորել է Փաշինյանին
Նիկոլ Փաշինյանը Վահրամ Բաղդասարյանի հետ հանդիպումից մանրամասներ է ներկայացրել
Քաղաքականություն
01.10.2018 | 21:45
Վարչապետ Նիկոլ Փաշինյանն այսօր, ինչպես ավելի վաղ խոստացել էր, հանդիպում ունեցավ ԱԺ ՀՀԿ խմբակցության ղեկավար Վահրամ Բաղդասարյանի հետ:
Հանդիպումից հետո լրագրողների հետ զրույցում վարչապետ Փաշինյանը նկատեց, որ մեկ հանդիպման ընթացքում թեև հստակ պայմանավորվածություններ ձեռք չեն բերվել, սակայն, կարծում է, որ արտահերթ ընտրությունները արագ պետք է կայանան, ավելի կոնկրետ՝ երկու-երեք ամսվա ընթացքում:
Վարչապետը նաև նշեց, որ գործող Սահամանադրության համաձայն՝ ԱԺ 1/3-ը պետք է լինի ընդդիմադիր:
«Ըստ էության, ինչ արդյուքն էլ գրանցվի, քաղաքական ուժերից որևէ մեկը եթե 80 տոկոս ձայն ստանա, ընդդիմության ներկայացվածությունը պակաս չի լինելու, քան՝ այսօր: Փոխարենը կլինի այն, որ կառավարությունը կլինի մեծամասնություն, որը թույլ կտա լիարժեք գործել և զբաղվել երկրի օրակարգային հարցերով: Մենք կունենանք լեգիտիմ իշխանություն, խորհրդարանական մեծամասնություն և լեգիտիմ փոքրամասնություն»,- ասաց նա:
Վարչապետը նաև նշեց, որ բոլորը շունչները պահած սպասում են արտահերթ ընտրություններին, հետևաբար եթե քաղաքական ուժերը ցանկանում են երկրում կայունություն մտցնել այս հարցում, պետք է դեմ չլինեն արտահերթ ընտրություններին:
Նիկոլ Փաշինյանն ընդգծեց, որ ՀՀ քաղաքացիների համար թիվ մեկ օրակարգային հարցը խորհրդարանական արտահերթ ընտրություններն են և քանի դեռ այս հարցը չի լուծվել, որևէ այլ հարց երկրում չի լուծվելու:
